Begin typing your search above and press return to search.
proflie-avatar
Login
exit_to_app
exit_to_app
കാഡ്​ബറിക്കെതിരെ നികുതി തട്ടിപ്പ്​ ആരോപണം; കേസ്​ എടുത്ത്​ സി.ബി.ഐ
cancel
Homechevron_rightNewschevron_rightIndiachevron_rightകാഡ്​ബറിക്കെതിരെ...

കാഡ്​ബറിക്കെതിരെ നികുതി തട്ടിപ്പ്​ ആരോപണം; കേസ്​ എടുത്ത്​ സി.ബി.ഐ

text_fields
bookmark_border

ന്യൂഡൽഹി: നികുതി തട്ടിപ്പ്​ നടത്തിയെന്ന് ആരോപിച്ച്​ കാഡ്​ബറി ഇന്ത്യക്കെതിരെ കേസ്​ എടുത്ത്​ സെൻട്രൽ ബ്യൂറോ ഓഫ്​ ഇൻവെസ്റ്റിഗേഷൻ. ഹിമാചൽ പ്രദേശിലെ ബഡ്​ഡിയിൽ കാഡ്​ബറി ഉൽപന്നങ്ങളായ 5 സ്റ്റാർ, ജെംസ്​ എന്നിവയുടെ നിർമാണത്തിന്​ കമ്പനി സ്​ഥാപിക്കാൻ 241 കോടിയുടെ നികുതി തട്ടിപ്പും കൈക്കൂലിയുമാണ്​ ആരോപണം. അന്വേഷണത്തിന്‍റെ ഭാഗമായി ഹരിയാന, ഹിമാചൽ പ്രദേശ്​ എന്നിവിടങ്ങളിലെ അഞ്ചിടങ്ങളിൽ സി.ബി.ഐ ​റെയ്​ഡ്​ നടത്തി. പ്രതി ചേർക്കാവുന്ന തെളിവുകൾ ഇവിടങ്ങളിൽനിന്ന്​ ലഭിച്ചതായി സി.ബി.ഐ പറയുന്നു. ബഡ്​ഡിയിൽ കമ്പനി സ്​ഥാപിക്കാൻ 2009- 2011 കാലയളവിലാണ്​ കാഡ്​ബറി തട്ടിപ്പ്​ നടത്തി​യതെന്നു അന്വേഷണ ഏജൻസി ആരോപിച്ചു. സ്​ഥലത്തിന്​ അടക്കേണ്ട നികുതി ഒഴിവാക്കാൻ രേഖകളിൽ വൻ കൃത്രിമം നടത്തിയെന്നാണ്​ കേസ്​. 10 വർഷത്തേക്ക്​ ആദായ നികുതിയും എക്​സൈസ്​ തീരുവയും ഒഴിവായി കിട്ടാൻ പുതിയ കമ്പനി സ്​ഥാപിക്കുമെന്നായിരുന്നു അധികൃതരെ ബോധിപ്പിച്ചത്​. എന്നാൽ, നിലവിലെ കമ്പനി വിപുലീകരിക്കാനാണ്​ ഈ സ്​ഥലം കൂടി ഉപയോഗപ്പെടുത്തിയത്​.

ആവശ്യമായ ഇളവുകൾ ലഭിക്കാൻ എക്​സൈസ്​ ഉദ്യോഗസ്​ഥരായ നിർമൽ സിങ്​, ജസ്​പ്രീത്​ കൗർ എന്നിവർക്ക്​ മധ്യസ്​ഥർ മുഖേന കൈക്കൂലി നൽകി. 241 കോടിയുടെ നികുതി ഇളവുകളാണ്​ അനധികൃതമായി സംഘടിപ്പിച്ചത്​. ഇതിനാവശ്യമായ രേഖകൾ സംഘടിപ്പിക്കാൻ മുതിർന്ന ഉദ്യോഗസ്​ഥരുടെ ഒത്താശയോടെ കൃ​ത്രിമ രേഖകൾ ചമച്ചും രേഖകൾ വളച്ചൊടിച്ചും നടപടികൾ എളുപ്പത്തിലാക്കി.

അതേ സമയം, നികുതി കേസുകൾ തീർപാക്കാൻ കേന്ദ്ര സർക്കാർ ആവിഷ്​കരിച്ച പൊതുമാപ്പ്​ പദ്ധതിയിൽ ഉൾപെടുത്തി പ്രശ്​നം പരിഹരിച്ചതാണെന്ന്​ കാഡ്​ബറിയുടെ മൊ​ണ്ഡെലസ്​ കമ്പനി അധികൃതർ വ്യക്​തമാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:FraudCBI CaseCorruptionCadbury India
News Summary - Cadbury India Accused Of Corruption, Fraud. CBI Files Case
Next Story