ഗർഭഛിദ്രം ആറുമാസം വരെയാകാം; നിയമ ഭേദഗതിക്ക് കേന്ദ്ര മന്ത്രിസഭയുടെ അംഗീകാരം

ന്യൂഡൽഹി: ആറുമാസം വരെ (24 ആഴ്​ച) ഗർഭഛിദ്രം അനുവദിക്കുന്ന നിയമഭേദഗതിക്ക്​ കേന്ദ്ര മന്ത്രിസഭയുടെ അംഗീകാരം. നിലവി ൽ ഇത്​ 20 ആഴ്​ചയാണ്​.

1971ലെ മെഡിക്കല്‍ ടെര്‍മിനേഷന്‍ ഓഫ് പ്രെഗ്​നന്‍സി നിയമം ഭേദഗതി ചെയ്യുന്നതിനുള്ള മെഡിക് കല്‍ ടെര്‍മിനേഷന്‍ ഓഫ് പ്രെഗ്​നന്‍സി ഭേദഗതി ബിൽ 2020 മന്ത്രിസഭ അംഗീകരിച്ചതോടെയാണിത്​. വരുന്ന പാർലമ​െൻറ്​ ​സെഷ നിൽ ബിൽ അവതരിപ്പിക്കും. കേന്ദ്രമന്ത്രി പ്രകാശ്​ ജാവദേക്കർ ആണ്​ ഇക്കാര്യം മാധ്യമങ്ങളെ അറിയിച്ചത്​. ​

ബലാത്സംഗ ഇരകൾക്കും ഭിന്നശേഷിയുള്ളവർക്കും പ്രായപൂർത്തിയാകാതെ ഗർഭിണിയാകുന്നവർക്കും ഈ നീക്കം സഹായകരമാകുമെന്ന്​ കേന്ദ്രമന്ത്രി ചൂണ്ടിക്കാട്ടി. അവിവാഹിതകളായ സ്ത്രീകള്‍ക്കും ആഗ്രഹിക്കാതെ ഗര്‍ഭിണികളാവുന്നവര്‍ക്കും ഗര്‍ഭഛിദ്രത്തിന് അനുമതി നൽകണമെന്നു പല സംഘടനകളും ആവശ്യപ്പെട്ടിരുന്നു.

എന്നാൽ, ഗര്‍ഭഛിദ്ര നിയമം പരിഷ്‌കരിക്കാനുള്ള നീക്കത്തിനു വൻ എതിർപ്പാണ് കേന്ദ്രത്തിനു നേരിടേണ്ടി വന്നത്. നിയമത്തിൽ ഭേദഗതി വരുത്തുന്നത്​ ഗർഭഛിദ്രം വർധിക്കാൻ ഇടയാക്കുമെന്നായിരുന്നു പ്രധാന ആക്ഷേപം. മെഡിക്കല്‍ ടെര്‍മിനേഷന്‍ ഓഫ് പ്രെഗ്നന്‍സി നിയമപ്രകാരം അബദ്ധത്തിൽ ഗർഭം ധരിക്കുക, പീഡനത്തിലൂടെ ഗർഭധാരണം തുടങ്ങിയ പ്രത്യേക സാഹചര്യങ്ങളിലാണ് 20 ആഴ്ച വരെയുള്ള ഗർഭധാരണത്തിന് അനുമതി നൽകിയിരുന്നത്.