Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബാബരി വിധി: വഖഫ്​...

ബാബരി വിധി: വഖഫ്​ ബോർഡ്​ ട്രസ്​റ്റ്​ രൂപവത്​കരിച്ചു

text_fields
bookmark_border
ബാബരി വിധി: വഖഫ്​ ബോർഡ്​ ട്രസ്​റ്റ്​ രൂപവത്​കരിച്ചു
cancel

ന്യൂഡൽഹി: ബാബരി മസ്​ജിദ്​ കേസിലെ വിധിയെ തുടർന്ന്​ ഉത്തർപ്രദേശ്​ സുന്നി വഖഫ്​ ബോർഡിന്​ ലഭിച്ച അഞ്ച്​ ഏക്കർ ഭൂമി ഏറ്റെടുക്കുന്നതിനും നിർമാണ പ്രവർത്തനങ്ങൾ നടത്തുന്നതിനും ട്രസ്​റ്റ്​ ​രൂപവത്​കരിച്ചതായി ‘ഇന്ത്യ ടുഡേ’ റിപ്പോർട്ട്​ ചെയ്​തു. രാമ ക്ഷേത്ര നിർമാണത്തിന്​ ട്രസ്​റ്റ്​ ​രൂപവതക്​രിച്ചതായി പ്രധാനമന്ത്രി നരേ​ന്ദ്ര മോദി രാജ്യസഭയിൽ വ്യക്തമാക്കിയതിന്​ പിന്നാലെയാണ്​ റിപ്പോർട്ട്​ പുറത്തുവന്നത്​. ‘ഇന്തോ ഇസ്​ലാമിക്​ കൾചർ ട്രസ്​റ്റ്’​ എന്ന പേരിൽ അറിയപ്പെടുന്ന ട്രസ്​റ്റ്​ രണ്ട്​ മൂന്ന്​ ദിവസങ്ങൾക്കകം രജിസ്​റ്റർ ചെയ്യ​ും. ആശുപത്രികൾ, സ്​കൂളുകൾ, ലൈബ്രറികൾ മറ്റ്​​ പൊതുജനോപകാരപ്രദമായ സ്​ഥാപനങ്ങൾ എന്നിവയുടെ നിർമാണമായിരിക്കും ട്രസ്​റ്റി​​െൻറ ഉത്തരവദിത്വം.

ബാബരി മസ്​ജിദ്​ കേസുമായി ബന്ധപ്പെട്ട്​ നിരവധിപേർ പ്രവർത്തിച്ചതിനാൽ അവർക്കൊക്കെ പ്രാതിനിധ്യം നൽകും. ഇന്ത്യക്കകത്ത​ും പുറത്തും ഇസ്​ലാമിക സംസ്​കാരം പ്രോത്സാഹിപ്പിക്കുന്ന പ്രവർത്തനങ്ങൾക്ക്​ ട്രസ്​റ്റ്​ നേതൃത്വം നൽകും. അഞ്ച്​ ഏക്കർ ഭൂമി ലഭിച്ച ശേഷം പ്രവർത്തനങ്ങൾ ആരംഭിക്കും. ട്രസ്​റ്റി​​െൻറ മുഴുവൻ രൂപരേഖയും തയാറായി. ഈമാസം 24ന്​ നടക്കുന്ന വഖഫ്​ ബോർഡ്​ യോഗത്തിൽ കൂടുതൽ വിശദാംശങ്ങൾ തീരുമാനിക്കും. അയോധ്യയിൽ രാമക്ഷേത്ര നിർമാണത്തിന്​ ‘ശ്രീ രാമ ജന്മഭൂമി തീർത്ഥ​ ക്ഷേത്ര’ എന്ന ട്രസ്​റ്റ്​ രൂപീകരിച്ചതായി പ്രധാനമന്ത്രി നരേന്ദ്ര മോദി രാജ്യസഭയിൽ അറിയിച്ചിരുന്നു. ട്രസ്​റ്റിന്​ കേന്ദ്ര മന്ത്രിസഭ അംഗീകാരം നൽകിയതായും പള്ളി നിർമാണത്തിന്​ വഖഫ്​ ബോർഡിന്​ അഞ്ച്​ ഏക്കർ സ്​ഥലം നൽകാൻ ഉത്തർപ്രദേശ്​ സർക്കാർ തീരുമാനിച്ചതായും മോദി അറിയിച്ചിരുന്നു.

ബാബരി കേസിലെ വിധിയിൽ സുപ്രീംകോടതി ഉത്തർപ്രദേശ്​ സുന്നി വഖഫ്​ ബോർഡിന്​ അനുവദിച്ച അഞ്ച്​ ഏക്കർ ഭൂമി സ്വീകരിക്കുന്നത്​ സംബന്ധിച്ച്​ അഭിപ്രായ വ്യത്യാസമുണ്ടായിരുന്നു. ഭൂമി സ്വീകരിക്കരു​തെന്ന്​ ആൾ ഇന്ത്യ മുസ്​ലിം ​പേഴ്​സണൽ ലോ ബോർഡ്​ നിലപാടെടുത്തിരുന്നു. അതേസമയം, ഭൂമി സ്വകീരിക്കാനുള്ള തീരുമാനം വഖഫ്​ ബോർഡ്​ എടുത്തെങ്കിൽ അത്​ ഇന്ത്യൻ മുസ്​ലിങ്ങളുടെ നിലപാ​ടല്ലെന്ന്​ ബോർഡ്​ വ്യക്തമാക്കി.

Show Full Article
TAGS:Sunni Waqf Board ayodhya case india news malayalam news 
News Summary - UP cabinet approves allotment 5 acres of land to Sunni Waqf Board-India news
Next Story