പൗരത്വ സമരം: അറസ്​റ്റിലായ എസ്.ഐ.ഒ നേതാക്കള്‍ക്ക് ജാമ്യം

ന്യൂ​ഡ​ല്‍ഹി: പൗ​ര​ത്വ സ​മ​ര​വു​മാ​യി ബ​ന്ധ​പ്പെ​ട്ട് അ​റ​സ്​​റ്റി​ലാ​യ ഡ​ല്‍ഹി​യി​ലെ​യും യു.​പി​യി​ലെ​യും എ​സ്.​ഐ.​ഒ നേ​താ​ക്ക​ള്‍ക്ക് ജാ​മ്യം ല​ഭി​ച്ചു. ഡ​ല്‍ഹി വ​ര്‍ഗീ​യാ​തി​ക്ര​മ​ണ കേ​സു​ക​ളി​ല്‍ ഡ​ല്‍ഹി പൊ​ലീ​സ് ന​ട​പ​ടി ഏ​ക​പ​ക്ഷീ​യ​മാ​ണെ​ന്ന് വി​മ​ര്‍ശി​ച്ചാ​ണ് ജാ​മി​അ മി​ല്ലി​യ ഇ​സ്​​ലാ​മി​യ​യി​ലെ എ​സ്.​ഐ.​ഒ നേ​താ​വ് ആ​സി​ഫ് ത​ന്‍ഹ​ക്ക് ഡ​ല്‍ഹി കോ​ട​തി ജാ​മ്യം അ​നു​വ​ദി​ച്ച​ത്. 
യു.​പി​യി​ല്‍ അ​ല​ഹ​ബാ​ദി​ലെ എ​സ്.​ഐ.​ഒ നേ​താ​വ് ഉ​മ​ര്‍ ഖ​ലി​ദി​ന് ര​ണ്ട് മാ​സ​ത്തെ ജ​യി​ല്‍ വാ​സ​ത്തി​ന് ശേ​ഷ​മാ​ണ് ജാ​മ്യം. അ​തി​നി​ടെ അ​ലീഗ​ഢ്​ മു​സ്​​ലിം സ​ര്‍വ​ക​ലാ​ശാ​ല​യി​ലെ ര​ണ്ട് വി​ദ്യാ​ര്‍ഥി നേ​താ​ക്ക​ളെ ഉ​ത്ത​ര്‍പ്ര​ദേ​ശ് പൊ​ലീ​സ് വ്യാ​ഴാ​ഴ്ച അ​റ​സ്​​റ്റ്​ ചെ​യ്തു. 

ഡ​ല്‍ഹി പൊ​ലീ​സ് അ​തി​ക്ര​മ​ത്തി​ന് ശേ​ഷ​വും ജാ​മി​അ സ​മ​രം മു​ന്നോ​ട്ടു​കൊ​ണ്ടു​പോ​യ സ​മ​ര സ​മി​തി​യു​ടെ പ്ര​ധാ​ന നേ​താ​വാ​യി​രു​ന്ന ആ​സി​ഫ് ഇ​ഖ്ബാ​ല്‍ ത​ന്‍ഹ​യു​ടെ റി​മാ​ന്‍ഡ് കാ​ലാ​വ​ധി ര​ണ്ട് ദി​വ​സം മു​മ്പ് നീ​ട്ടി​യ​പ്പോ​ള്‍ അ​ന്വേ​ഷ​ണ സം​ഘ​ത്തി​ന് നേ​രെ പ​ട്യാ​ല ഹൗ​സ് കോ​ട​തി രൂ​ക്ഷ​വി​മ​ര്‍ശ​ന​മു​ന്ന​യി​ച്ചി​രു​ന്നു. യു.​പി​യി​ല്‍ അ​ല​ഹാ​ബാ​ദ് ശ​ഹീ​ന്‍ ബാ​ഗ് സ​മ​ര​ത്തി​​െൻറ സം​ഘാ​ട​ക​നും എ​സ്.​ഐ.​ഒ ഉ​ത്ത​ര്‍പ്ര​ദേ​ശ് ഈ​സ്​​റ്റ്​ സോ​ണ​ല്‍ പ്ര​സി​ഡ​ൻ​റു​മാ​യ ഉ​മ​ര്‍ ഖാ​ലി​ദി​ന് ര​ണ്ട് മാ​സ​ത്തി​ന് ശേ​ഷം ജാ​മ്യം ല​ഭി​ച്ചു. 

പൗ​ര​ത്വ സ​മ​ര​ത്തി​​െൻറ പേ​രി​ല്‍ വി​ദ്യാ​ര്‍ഥി വേ​ട്ട തു​ട​രു​ന്ന ഉ​ത്ത​ര്‍പ്ര​ദേ​ശി​ല്‍ അ​ലി​ഗ​ഢ് മു​സ്​​ലിം സ​ര്‍വ​ക​ലാ​ശാ​ല സ്​​റ്റു​ഡ​ൻ​റ്​​സ് യൂ​നി​യ​ന്‍ കാ​ബി​ന​റ്റ് മെ​മ്പ​റും ബി​രു​ദാ​ന​ന്ത​ര ബി​രു​ദ വി​ദ്യാ​ര്‍ഥി​യു​മാ​യ ഫ​ര്‍ഹാ​ന്‍ സു​ബേ​രി​യെ​യും ബി​രു​ദ വി​ദ്യാ​ര്‍ഥി റാ​വി​ഷ് അ​ലി ഖാ​നെ​യും പൊ​ലീ​സ് അ​റ​സ്​​റ്റ്​ ചെ​യ്തു. പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രാ​യ സ​മ​ര​ത്തി​ൽ സ​ജീ​വ പ​ങ്കാ​ളി​ത്തം വ​ഹി​ച്ച​വ​രാ​യി​രു​ന്നു ഇ​രു​വ​രും.