26 യാത്രക്കാരുമായി പോയ ബസ്​ കത്തിനശിച്ചു; ആർക്കും പരിക്കില്ല

ഹൈദരാബാദ്​: 26 യാത്രക്കാരുമായി മുംബൈയിൽനിന്നും ഹൈദരാബാദിലേക്ക്​ എത്തിയ ബസ്​ നടുറോഡിൽ കത്തിനശിച്ചു. ഡ്രൈവറു ടെയും ക്ലീനറുടെയും സമയോചിതമായ ഇടപെടലിൽ യാത്രക്കാരെല്ലാം സുരക്ഷിതമായി പുറത്തിറങ്ങിയതിനാൽ വൻ അപകടം ഒഴിവായി.

വെള്ളിയാഴ്​ച രാവിലെ ഹൈദരാബാദിലെ ആർ.സി പുരൻ പ്രദേശത്താണ്​ സംഭവം. എൻജിനിലുണ്ടായ ഷോർട്ട്​ സർക്യൂട്ടാണ്​ അപകട കാരണമെന്ന്​ അധികൃതർ അറിയിച്ചു. സംഭവം അറിഞ്ഞയുടനെ അഗ്​നിരക്ഷ സേന സ്​ഥലത്തെത്തി തീയണച്ചു.