​സ്​കൂൾ തരിപ്പണമാക്കി, തീവെച്ചു; അഴിഞ്ഞാടി കലാപകാരികൾ

ന്യൂഡൽഹി: ശിവ്​വിഹാർ പ്രദേശത്തെ സ്​കൂൾ കലാപത്തിൻെറ നേർസാക്ഷ്യമാകുന്നു. സംഘർഷത്തിനിടെ സ്​കൂളിലെ ഫർണിച്ചറുക ളും ബ്ലാക്ക്​ബോർഡുകളും തകർത്തെറിഞ്ഞ ആൾകൂട്ടം സ്​കൂൾ അഗ്​നിക്കിരയാക്കി. തുടർന്ന്​ കലാപ കേന്ദ്രമാക്കി സ്​കൂ ൾ ഉപയോഗപ്പെടുത്തിയ അക്രമണകാരികൾ അക്ഷരാർഥത്തിൽ അഴിഞ്ഞാടുകയായിരുന്നു.

സ്​കൂളിലേക്ക്​ കയർകെട്ടി വലിഞ്ഞു കയറിയാണ്​ നാശനഷ്​ടങ്ങൾ ഉണ്ടാക്കിയത്​. സ്​കൂളിലെ സെക്യൂരിറ്റി ഗാർഡായ മനോജിനെയും ഡ്രൈവറായ രാജ്​കുമാറിനെയും 60മണിക്കൂറോളം പൂട്ടിയിട്ടു. ആയിരത്തിലേറെ വിദ്യാർഥികൾ ഇവിടെ പഠിക്കുന്നുണ്ട്​.

കലാപകാരികൾ സ്​കൂളിലെ പുസ്​തകങ്ങൾ കീറിയെറിഞ്ഞ നിലയിൽ

‘‘തിങ്കളാഴ്​ച പരീക്ഷയായതിനാൽ കുട്ടികൾ സ്കൂളിൽ നിന്നും നേരത്തേപോയിരുന്നു. സ്​കൂൾ 24മണിക്കൂറിലേറെയാണ്​ അഗ്നിക്കിരയായത്​. അഗ്നിശമനസേന ഒരിക്കലും വന്നില്ല. പൊലീസ്​ പ്രതികരിക്കാൻ മൂന്ന്​ ദിവസമെടുത്തു.’’ സ്​കൂളിൽ 25 വർഷത്തിലേറെയായി ജോലി​െചയ്യുന്ന ശർമ പ്രതികരിച്ചു.

വടക്കുകിഴക്കൻ ഡൽഹിയിൽ സ്​കൂളുകൾക്ക്​ നേരെ വ്യാപക ആക്രമണം ഉണ്ടായിരുന്നു. 3000ത്തിലേറെ വിദ്യാർഥികൾ പഠിക്കുന്ന അരുൺ സീനിയർ സെക്കൻഡറി സ്​കൂൾ മുന്നൂറോളം വരുന്ന കലാപകാരികൾ ചു​ട്ടെരിച്ചിരുന്നു.