Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'ബമ്പർ ടു ബമ്പർ'...

'ബമ്പർ ടു ബമ്പർ' ഇൻഷുറൻസ്​ നിർബന്ധമാക്കി മദ്രാസ്​ ഹൈകോടതി

text_fields
bookmark_border
ബമ്പർ ടു ബമ്പർ ഇൻഷുറൻസ്​ നിർബന്ധമാക്കി മദ്രാസ്​ ഹൈകോടതി
cancel

ചെന്നൈ: സെപ്റ്റംബർ ഒന്നിന് ശേഷം വിൽക്കുന്ന എല്ലാ വാഹനങ്ങൾക്കും അഞ്ച് വർഷത്തേക്ക് 'ബമ്പർ ടു ബമ്പർ' ഇൻഷുറൻസ് പരിരക്ഷ നിർബന്ധമാക്കി മദ്രാസ് ഹൈക്കോടതി. ഡ്രൈവർ ഉൾപ്പെടെ വാഹനത്തിൽ യാത്ര ചെയ്യുന്ന എല്ലാവർക്കും ഇൻഷുറൻസ്​ പരിരക്ഷ ഉറപ്പുവരുത്തുകയാണ്​ ഇതിലൂടെ ലക്ഷ്യമിടുന്നതെന്നും ജസ്റ്റിസ് എസ്. വൈദ്യനാഥൻ ഉത്തരവിൽ വ്യക്തമാക്കി.

തേർഡ്​ പാർട്ടി ഇൻഷുറൻസ്​ കവറേജ്​ മാത്രമുള്ള വാഹനം അപകടത്തിൽപ്പെട്ട കേസിൽ മരണപ്പെട്ട വ്യക്തിയുടെ കുടുംബത്തിന് 14.65 ലക്ഷം രൂപ നഷ്ടപരിഹാരമായി നൽകാൻ ന്യൂ ഇന്ത്യ അഷുറൻസ്​ കമ്പനിയോട് നിർദേശിച്ച ഇൗറോഡ്​ മോട്ടോർ ആക്സിഡൻറ്​ ട്രിബ്യൂണലി​െൻറ ഉത്തരവ്​ റദ്ദാക്കിയാണ്​ ഹൈകോടതി ഉത്തരവ്​.

ഒരു വാഹനം വിൽക്കുമ്പോൾ വാങ്ങുന്നയാൾക്ക് പോളിസി നിബന്ധനകളെക്കുറിച്ചും അതി​െൻറ പ്രാധാന്യത്തെക്കുറിച്ചും വ്യക്തമായി ബോധ്യപ്പെടുത്താനാവാത്തത്​ ദു:ഖകരമാണ്. പോളിസി നിബന്ധനകളും വ്യവസ്ഥകളും നന്നായി മനസ്സിലാക്കാൻ വാഹനം വാങ്ങുന്നയാൾക്കും താൽപ്പര്യമുണ്ടാവാറില്ല. വാഹനത്തി​െൻറ പ്രത്യേകതകളിലും പ്രകടനത്തിലും മാത്രമാണ്​ ഭൂരിഭാഗംപേരും കൂടുതലായി ശ്രദ്ധിക്കുന്നതെന്നും കോടതി ചൂണ്ടിക്കാട്ടി.

വലിയ തുകക്ക്​ വാഹനം വാങ്ങുന്നവർ തങ്ങളെയും മറ്റുള്ളവരെയും സംരക്ഷിക്കുന്നതിനായി ഇൻഷുറൻസ്​ പോളിസിയെടുക്കാൻ തുച്ഛമായ തുക ചെലവഴിക്കാൻ താൽപര്യം കാണിക്കാത്തത്​ ഞെട്ടിക്കുന്നതാണെന്നും കോടതി അഭിപ്രായപ്പെട്ടു.

ഡ്രൈവർ, യാത്രക്കാർ, മൂന്നാം കക്ഷികൾ എന്നിവരുടെ സുരക്ഷയിൽ വാഹന ഉടമ ശ്രദ്ധാലുവായിരിക്കണം. അതിനാൽ തേർഡ്​ പാർട്ടി ഇൻഷുറൻസ്​ മാത്രം പോരെന്നും വാഹന ഉടമക്ക്​ അനാവശ്യ ബാധ്യതയുണ്ടാകുന്നത് ഒഴിവാക്കാൻ സമ്പൂർണ ഇൻഷുറൻസ്​ പരിരക്ഷ ഉറപ്പാക്കണമെന്നും കോടതി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Madras High Courtvehicle insurance
News Summary - Bumper-to-bumper Insurance to be Mandatory says Madras High Court
Next Story