ബുലന്ദ് ശഹർ കലാപത്തിന് പിന്നിൽ രാഷ്ട്രീയ ഗൂഢാലോചന -ഡി.ജി.പി

ലഖ്നോ: ഉത്തർപ്രദേശിലെ ബുലന്ദ് ശഹറിൽ ഗോവധം ആരോപിച്ച് സംഘ്പരിവാർ നടത്തിയ കലാപവും പൊലീസ് ഇൻസ്പെക്ടറുടെ കൊലപ ാതകവും ആസൂത്രിതമെന്ന് ഡി.ജി.പി ഒ.പി സിങ്. ബുലന്ദ് ശഹറിലുണ്ടായത് ക്രമസമാധാന പ്രശ്നമല്ല, മറിച്ച് രാഷ്ട്രീയ ഗൂഢാലോചനയാണെന്നും ഡി.ജി.പി കൂട്ടിച്ചേർത്തു.

കലാപത്തിന്‍റെ സമയവും പരിശോധിക്കുന്നുണ്ട്. ഡിസംബർ ആറ് ബാബരി മസ്ജിദ് തകർക്കപ്പെട്ടതിന്‍റെ വാർഷികവുമായി സംഭവത്തിന് ബന്ധമുണ്ടോയെന്ന കാര്യവും അന്വേഷിക്കുമെന്നും ഡി.ജി.പി മാധ്യമങ്ങളോട് പറഞ്ഞു.

ഗോരക്ഷ അക്രമങ്ങളിലും സംസ്ഥാനത്തെ ക്രമസമാധാന പ്രശ്നങ്ങളിലും ദേശീയ മനുഷ്യവകാശ കമിഷന്‍ യുപി പൊലീസിന് നോട്ടീസ് അയച്ചിട്ടുണ്ട്. കലാപം ഗൂഢാലോച​നയാണെന്നതി​ന്​ സാഹചര്യത്തെളിവുകൾ ഏറെയാണെന്ന്​ പൊലീസ് വ്യക്തമാക്കിയിരുന്നു. സംഭവവുമായി ബന്ധപ്പെട്ട്​ ബജ്റംഗ്​ദള്‍ ജില്ല നേതാവ് യോഗേഷ് രാജ് അടക്കം നാലു സംഘ്​പരിവാറുക​ാർ അറസ്റ്റിലായിട്ടുണ്ട്. ബി.ജെ.പി, ബജ്റംഗ്​ദള്‍, വി.എച്ച്.പി, ശിവസേന, ഹിന്ദു യുവവാഹിനി പ്രവര്‍ത്തകരാണ്​ കലാപത്തിന്​ പിന്നിൽ.

ബുലന്ദ്​ശഹറി​ലെ സ്യാന പൊലീസ്​ സ്​റ്റേഷൻ ഹൗസ്​ ഒാഫിസറായ സുബോധ്​കുമാറി​​​െൻറ ഇടതുകണ്ണിന്​ സമീപം ​ ​വെടിയേറ്റതിനു പുറമെ മറ്റൊരു മുറിവും ഉണ്ട്​. ക​ല്ലേറിൽ ഗുരുതര പരിക്കേറ്റ സിങ്ങി​നു നേരെ അക്രമികൾ നിറ​െയാഴിക്കുകയായിരുന്നു. ഗൂഢാലോചന അന്വേഷിക്കാൻ പ്രത്യേക പൊലീസ്​ സംഘത്തെ നിയോഗിച്ചിട്ടുണ്ട്​. 2015ൽ ദാദ്രിയില്‍ ഗോ രക്ഷക ഗുണ്ടകൾ അഖ്‌ലാഖ് എന്നയാളെ തല്ലിക്കൊന്ന കേസിൽ പ്രതികൾക്കെതിരെ കർശന നടപടി സ്വീകരിച്ചതിൽ സുബോധ് സിങ്​ ഹിന്ദുത്വ സംഘടനകളുടെ കണ്ണിലെ കരടായിരുന്നു.

യോഗേഷ് രാജിന് പുറമെ വി.എച്ച്.പി നേതാവ് ഉപേന്ദ്ര യാദവ്, യുവമോർച്ച അംഗമായ ശിഖര്‍ അഗര്‍വാള്‍ എന്നിവരാണ്​ അറസ്​റ്റിലായത്​​. കൂടുതല്‍ അറസ്​റ്റുകൾ ഉടന്‍ ഉണ്ടാകും. സംഭവത്തി​​​െൻറ വിഡിയോ ദൃശ്യങ്ങൾ പൊലീസിന്​ ലഭിച്ചു. പൊലീസ്​ ഇൻസ്​പെക്​ടർക്ക്​ പുറമെ 22കാരനായ സുമിത്​ സിങ്ങും സംഭവത്തിൽ കൊല്ലപ്പെട്ടിരുന്നു.

മാഹവ് ഗ്രാമത്തിന് പുറത്ത് വനപ്രദേശത്ത് തിങ്കളാഴ്​ച 20ഒാളം കാലികളുടെ ഭാഗങ്ങള്‍ ഉപേക്ഷിച്ച നിലയില്‍ കണ്ടെത്തിയതോടെയാണ് സംഘർഷം പടർന്നത്​. പശുവിനെ അറുത്തതായി പ്രചാരണം നടത്തി ഹിന്ദുത്വവാദികൾ സംഘടിക്കുകയായിരുന്നു. സംഭവസ്​ഥലത്ത്​ ആദ്യമെത്തിയ സർക്കാർ ഉദ്യോഗസ്​ഥനായ തഹസിൽദാർ രാജ്​കുമാർ ഭാസ്​കർ പറയുന്നത്​ പ്രദേശത്ത്​ ഇത്തരമൊരു ഗോഹത്യക്ക്​ ഒരു സാധ്യതയു​മില്ലെന്നാണ്​. കരിമ്പിൻതോട്ടത്തിൽ ചത്ത പശുവിനെ കെട്ടിത്തൂക്കി പ്രദർശിപ്പിച്ചതാണ്​ കണ്ടത്​. അയയിൽ തുണി തൂക്കിയ മട്ടിൽ തലയും തുകലും പ്രദർശിപ്പിച്ചിരുന്നു. നിമിഷനേരം കൊണ്ട്​ ഹിന്ദുത്വവാദികൾ സ്​ഥലത്ത്​ ഇരച്ചെത്തി. കാലിയുടെ ജഡം ട്രാക്​റ്ററിൽ കയറ്റിയുള്ള യാത്രക്കിടെ കലാപം തുടങ്ങി. നേരത്തേ സംഘടിച്ചുനിന്നെന്ന മട്ടിലായിരുന്നു ഇവരുടെ പ്രവൃത്തികൾ.

10​ ലക്ഷം തബ്​ലീഗ്​ ജമാഅത്ത്​ പ്രവർത്തകർ പ​െങ്കടുക്കുന്ന പ്രാർഥന ചടങ്ങ്​ ബുലന്ദ് ​ശഹറിൽ നടക്കുന്ന ദിവസമാണ്​ കലാപം അഴിച്ചുവിട്ടത്​. ഇവർ യാത്രചെയ്യുന്ന സംസ്​ഥാന പാതയിലാണ്​ അ​ക്രമികൾ അഴിഞ്ഞാടിയത്​. ഇതറിഞ്ഞാണ്​ സുബോധ്​കുമാർ സിങ്ങി​​​െൻറ നേതൃത്വത്തിൽ പൊലീസ്​ എത്തിയത്​. പ്രതിഷേധക്കാരുമായി പൊലീസ്​ സംസാരിക്കുന്നതിനിടെ​ ശക്​തമായ കല്ലേറുണ്ടായി​. വാഹനങ്ങൾ കത്തിച്ചു. വെടിവെപ്പുമുണ്ടായി. ബജ്​റംഗ്​​ദൾ നേതാവ്​ യോഗേഷ്​ രാജി​​​െൻറ പരാതിയിൽ കണ്ടാലറിയാവുന്ന അറവുകാർക്കെതിരെ കേസെടുത്തിട്ടുണ്ടെന്ന്​ ​പൊലീസ്​ അറിയിച്ചെങ്കിലും ഫലമുണ്ടായില്ല. തുടർന്ന്​ പൊലീസും വെടിവെച്ചു.