Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാമക്ഷേത്ര നിർമാണം...

രാമക്ഷേത്ര നിർമാണം ആരംഭിക്കുന്നതോടെ കോവിഡ് അവസാനിക്കും -മധ്യപ്രദേശ്​ പ്രോടേം സ്​പീക്കർ

text_fields
bookmark_border
രാമക്ഷേത്ര നിർമാണം ആരംഭിക്കുന്നതോടെ കോവിഡ് അവസാനിക്കും -മധ്യപ്രദേശ്​ പ്രോടേം സ്​പീക്കർ
cancel

ഗ്വാളിയർ: അയോധ്യയില്‍ രാമക്ഷേത്ര നിർമാണം ആരംഭിക്കുന്നതോടെ കോവിഡ്​ 19 മഹാമാരി അവസാനിക്കുമെന്ന വിവാദ പരാമർശവുമായി ബി.ജെ.പി നേതാവും മധ്യപ്രദേശ് നിയമസഭ പ്രോടേം സ്പീക്കറുമായ രാമേശ്വര്‍ ശര്‍മ്മ. ആഗസ്​റ്റ്​ അഞ്ചിനാണ്​ രാമക്ഷേത്രത്തിന്​ പ്രധാനമന്ത്രി നരേന്ദ്ര മോദി തറക്കല്ലിടുക. രാമക്ഷേത്രത്തി​​െൻറ നിർമാണം തുടങ്ങുന്നതോടെ കൊറോണ വൈറസി​​െൻറ അവസാനത്തിന് തുടക്കമാകുമെന്ന് രാമേശ്വര്‍ ശര്‍മ്മ ഗ്വാളിയറിൽ മാധ്യമ പ്രവർത്തകരോട്​ പറഞ്ഞു. 

‘ഇന്ത്യയെ മാത്രമല്ല ലോകം മുഴുവനെയും കൊറോണ വൈറസ് അലട്ടുകയാണ്. സാമൂഹിക അകലം പാലിക്കുന്നതിനൊപ്പം ദൈവങ്ങളെയും നാം മുറുകെപ്പിടിക്കുന്നു. ദുഷ്​ടശക്തികളെ നശിപ്പിക്കാനും മനുഷ്യവംശത്തി​​െൻറ രക്ഷക്കുമാണ് ശ്രീരാമന്‍ അവതാരമെടുത്തത്. രാമക്ഷേത്രത്തി​​െൻറ നിർമാണം തുടങ്ങുന്ന മുറയ്ക്ക് കെ​ാറോണ വൈറസിനും അന്ത്യമാകും’ - രാമേശ്വര്‍ ശര്‍മ്മ പറഞ്ഞു. 

പ്രസ്​താവന വിവാദമായതോടെ വിശദീകരണവുമായും ശർമ്മ രംഗത്തെത്തി. ‘ഞാൻ പറഞ്ഞത്​ അങ്ങിനെയല്ല. നമ്മൾ അദൃശ്യനായ ഒരു രോഗത്തെയാണ്​ ഇപ്പോൾ എതിരിടുന്നത്​. ഈ സാഹചര്യത്തിൽ നമുക്ക്​ ദൈവത്തിൽ ആശ്രയിക്കാനേ കഴിയൂ. ഇതിനൊരു മരുന്ന്​ ​കണ്ടെത്തിയില്ല. അതുകൊണ്ട്​ ദൈവം നമ്മുടെ പ്രാർഥനകൾ സഫലമാക്കുമെന്നാണ്​ ഞാൻ ഉദ്ദേശിച്ചത്​. ഇപ്പോൾ ദൈവത്തിനായി ഒരു മന്ദിരം നിർമിക്കേണ്ടത്​ അനിവാര്യമാണ്​. അത്​ സാധ്യമാകു​േമ്പാൾ ദുരന്തങ്ങളും കൊറോണ പോലുള്ള മാരക രോഗങ്ങളും ഇല്ലാതാകും’- രാമേശ്വർ ശർമ്മ പറഞ്ഞു. 
 

Show Full Article
TAGS:covid 19 ram temple construction malayalam news 
Web Title - Building Ram temple in Ayodhya will get rid of coronavirus, claims Madhya Pradesh pro tem speaker
Next Story