മുബൈയിൽ കെട്ടിടം തകർന്ന സംഭവം: ശിവ സേനാ നേതാവ്​ അറസ്​റ്റിൽ

ന്യൂഡൽഹി: മുംബൈയിൽ നാലു നില പാർപ്പിട സമുച്ചയം തകർന്നു വീണ്​ 17പേർ മരിച്ചതുമായി ബന്ധപ്പെട്ട്​ ശിവസേനാ നേതാവ്​ സുനിൽ സീതാപിനെ പൊലീസ്​ അറസ്​റ്റ്​ ചെയ്​തു. ​കെട്ടിടത്തി​​െൻറ താഴെ നിലയിൽ സീതാപി​​െൻറ ഉടമസ്​ഥതയിലുള്ള നഴ്​സിങ്ങ്​ ഹോമി​ൽ നവീകരണപ്രവർത്തനങ്ങൾ നടത്തിയതാണ്​ കെട്ടിടം പൊളിഞ്ഞു വീഴാൻ ഇടയായതെന്ന്​ താമസക്കാർ ആരോപിച്ചിരുന്നു. അതേതുടർന്നാണ്​ സീതാപിനെ അറസ്​റ്​ ചെയ്​തത്​. മനഃപൂർവ്വമല്ലാത്ത നരഹത്യക്ക്​ സീതാപിനെതിരെ കേസെടുത്തിട്ടുണ്ട്​.

 മഹാരാഷ്​ട്ര മുഖ്യമന്ത്രി ദേ​േവന്ദ്ര ഫട്​നാവിസ്​ സംഭവത്തിൽ നേരത്തെ അന്വേഷണം പ്രഖ്യാപിച്ചിരുന്നു. സീതാപ്​ അനധികൃതമായാണ്​ നവീകരണ പ്രവർത്തനങ്ങൾ നടത്തിയതെന്ന്​ ക്രമസമാധാന ചുമതലയുള്ള ജോയിൻറ്​ കമ്മീഷണർ അറിയിച്ചു. 

പൊലീസ്​ അന്വേഷണവും ബി.എം.സി അന്വേഷണവും നടക്കുന്നുണ്ട്​. 15 ദിവസത്തിനുള്ളിൽ സർക്കാറിന് അ​േന്വഷണ സംഘം റിപ്പോർട്ട്​ സമർപ്പിക്കും. കുറ്റക്കാർക്കെതിരെ ശക്​തമായ നടപടി എടുക്കു​െമന്നും സ്​​ഥലം സന്ദർശിച്ച മുഖ്യമന്ത്രി ഫട്​നാവിസ്​ പറഞ്ഞു.