പണമിടപാടുകൾക്ക്​ നിയന്ത്രണം; ആദായ നികുതിയിൽ ഇളവ്​

ന്യൂഡൽഹി: പണമിടപാടുകൾക്ക്​ കർശന നിയന്ത്രണം ഏർപ്പെടുത്തിയും ഡിജിറ്റൽ ഇടപാടുകൾ പ്രോത്​സാഹിപ്പിച്ചും മോദി സർക്കാറി​​െൻറ നാലാമത്​ ബജറ്റ്​. 2018 ഒാടെ 7.6 ശതമാനം വളർച്ചാനിരക്ക്​ പ്രതീക്ഷിക്കുന്ന ബജറ്റ്​ ​ കാർഷിക, ഗ്രാമീണ മേഖകൾക്ക്​ ഉൗന്നൽ നൽകുന്നു. ആദായ നികുതി ഘടനയിലും ഇളവ്​ പ്രഖ്യാപിച്ചിട്ടുണ്ട്​. ഗ്രാമീണ വൈദ്യൂതീകരണത്തിനും ഇൻറർനെന്ന്​ സൗകര്യം വർധിപ്പിക്കുന്നതിനും പ്രാധാന്യം നൽകുന്നതാണ്​ ജയ്​റ്റ്​ലി അവതരിപ്പിച്ച ബജറ്റ്​.

ഇനിമുതൽ കറൻസി നോട്ടുകൾ ഉപയോഗിച്ച്​ മൂന്ന്​ ലക്ഷം രൂപക്ക്​ മുകളിലുള്ള ഇടപാടുകൾ നടത്താനാവില്ല. രാഷ്​ട്രീയ പാർട്ടികൾ സംഭാവന സ്വീകരിക്കുന്നതിനും കടുത്ത മാനദണ്ഡങ്ങൾ കൊണ്ടുവന്നിട്ടുണ്ട്​. രാഷ്​ട്രീയ പാർട്ടികൾ സംഭാവന സ്വീകരിക്കുന്നതിന്​ നിയന്ത്രണം ഏർപ്പെടുത്തി. 2000 രൂപവരെ മ ാത്രമേ പണമായി സംഭാവനകൾ സ്വീകരിക്കാൻ കഴിയൂ. ചെക്കുകളും ഡിജിറ്റൽ ഇടപാടുകൾ മുഖേന മാത്രമേ സംഭാവനകൾ സ്വീകരിക്കാവൂ.

ആദായ നികുതി പരിധിയിൽ മാറ്റം വരുത്താതെ ഘടനയിൽ മാറ്റം വരുത്തിയതാണ്​ ബജറ്റിലെ ശ്രദ്ധേയമായ നിർദേശം. മൂന്ന്​ ലക്ഷം രൂപവരെ വരുമാനമുള്ളവർക്ക്​ ആദായ നികുതിയില്ല 2.5 ലക്ഷം മുതൽ അഞ്ച്​ ലക്ഷം വ​െര വരുമാനമുള്ളവർക്ക്​ അഞ്ച്​ ശതമാനം നികുതി. നേരത്തെ 10 ശതമാനമായിരുന്നു ഇത്​.  അമ്പത്​ ലക്ഷം മുതൽ ഒരു കോടി വരെ 10 ശതമാനം സർചാർജും ഒരുകോടിക്ക്​ മുകളിൽ  15 ശതമാനം സർചാർജും ഏർപ്പെടുത്തി.

റെയിൽവേയുടെ അടിസ്ഥാന സൗകര്യ വികസനത്തിനും സുരക്ഷക്കുമാണ്​ ബജറ്റിൽ ഉൗന്നൽ നൽകിയത്​. വർധിച്ചുവരുന്ന അപകടങ്ങളുടെ പശ്ചാത്തലത്തിൽ റെയിൽവെ സുരക്ഷ ഫണ്ടിലേക്ക്​​ ഒരു ലക്ഷം കോടി അനുവദിച്ചു. ഡിജിറ്റൽ ഇടപാട്​ പ്രോത്​സാഹിപ്പിക്കുന്നതിനെ ഭാഗമായി റെയിൽവേ ഒാൺലൈൻ ബുക്കിങ്ങിന്​ സർവിസ്​ ചാർജ്​ ഒഴിവാക്കി. 2020 ഒാടെ ആളില്ലാ ​റെയിൽ​വേ ക്രോസുകൾ ഇല്ലാതാക്കുമെന്നും എല്ലാ ട്രെയിനുകളിലും ബയോ ടോയ്​ലററ്​ സംവിധാനം ഏർപ്പെടുത്തുമെന്നും പ്രഖ്യാപനമുണ്ട്​.