ത്രിപുരയിൽ രണ്ട് ബി.എസ്.എഫ് ജവാന്മാർക്ക് കോവിഡ്

അഗർത്തല: ത്രിപുരയിൽ അതിർത്തി രക്ഷാസേനയിലെ (ബി.എസ്.എഫ്) രണ്ടു ജവാന്മാർക്ക് കോവിഡ് 19. അംബാസ ബി.എസ്.എഫ് യൂനിറ്റിലെ ജവാന്മാർക്കാണ് വൈറസ് ബാധ സ്ഥിരീകരിച്ചത്. 

ത്രിപുരയിൽ ആകെ നാലു പേർക്കാണ് വൈറസ് ബാധ സ്ഥിരീകരിച്ചത്. ഇത് രണ്ടു പേർ രോഗമുക്തരായി. രണ്ടു പേർ ചികിത്സയിൽ കഴിയുന്നതായും മുഖ്യമന്ത്രി ബിപ്ലബ് കുമാർ ദേബ് വ്യക്തമാക്കി. 

രാജ്യത്ത് 37,776 പേർക്കാണ് കോവിഡ് സ്ഥിരീകരിച്ചത്. 1,223 പേർ മരണപ്പെട്ടപ്പോൾ 10,018 പേർ രോഗമുക്തരായി.