പഞ്ചാബ്​ അതിർത്തിയിൽ പാക്​ ഡ്രോൺ ബി.എസ്.എഫ് വെടിവെച്ചിട്ടു

ന്യൂഡൽഹി: പഞ്ചാബിലെ ഇന്ത്യ-പാക്​ അതിർത്തിയിൽ അതിർത്തിരക്ഷസേന ഡ്രോൺ വെടിവെച്ചിട്ടു. വെള്ളിയാഴ്​ച രാത്രി 11.10നാണ്​ ചൈനീസ്​ നിർമിത ഡ്രോൺ ഇന്ത്യൻ അതിർത്തിക്കു​ സമീപം സേനയുടെ കണ്ണിൽപെട്ടത്​.

അതിർത്തിയിൽനിന്ന്​ 300 മീറ്റർ അടുത്തും അതിർത്തിവേലിക്ക്​ 150 മീറ്റർ അകലത്തിലുമാണ്​ ഡ്രോൺ കണ്ടത്. ബാറ്ററിയിൽ പ്രവർത്തിക്കുന്ന ഡ്രോണിന്​ 23 കിലോ ഭാരമുണ്ട്​. 10 കിലോ ഭാരം വഹിക്കാൻ ശേഷിയുള്ളതാണിത്​.

മുതിർന്ന സൈനിക ഉദ്യോഗസ്ഥർ ഡ്രോൺ പരിശോധന ആരംഭിച്ചു. എന്തെങ്കിലും വസ്തുക്കൾ ഡ്രോൺ വഴി നിക്ഷേപിച്ചിരുന്നോ എന്നത് കണ്ടെത്താൻ സൈനികർ തിരച്ചിൽ ആരംഭിച്ചതായി ബി.എസ്.എഫ് അറിയിച്ചു.

പാകിസ്താൻ ഡ്രോൺ ഉപയോഗിച്ച് ഭീകരർക്ക് ആയുധങ്ങളും മയക്കുമരുന്നും എത്തിക്കുന്നതിനെതിരെ സൈന്യം ജാഗ്രതയിലാണ്. മുമ്പ്​ ഇത്തരത്തിൽ രണ്ടു​ പാക്​ ഡ്രോണുകൾ ഇന്ത്യ വെടിവെച്ചിട്ടിരുന്നു. ആയുധങ്ങളും വെടിക്കോപ്പുകളും കടത്താൻ ഉപയോഗിച്ചിരുന്നതാണിത്​. അന്നും പഞ്ചാബ്​ അതിർത്തി മേഖലയിൽതന്നെയായിരുന്നു​ സംഭവം.

ഈ വർഷം മാത്രം അതിർത്തി മേഖലയിൽ 67 തവണ ഡ്രോണി​െൻറ സഞ്ചാരം സൈന്യത്തി​െൻറ ശ്രദ്ധയിൽ വന്നിരുന്നതായി സൈനിക വക്താവ്​ പറഞ്ഞു.