ബി.ആർ.എസും എൻ.ഡി.എ ലക്ഷ്യമിടുന്നുവോ? തെലങ്കാനയിൽ അഭ്യൂഹം

ഹൈ​ദ​രാ​ബാ​ദ്: തെ​ല​ങ്കാ​ന​യി​ൽ കോ​ൺ​ഗ്ര​സ് മു​ന്നേ​റ്റ​ത്തി​ൽ അ​ധി​കാ​രം ന​ഷ്ട​പ്പെ​ട്ട ബി.​ആ​ർ.​എ​സ്, ബി.​ജെ.​പി നേ​തൃ​ത്വ​ത്തി​ലു​ള്ള എ​ൻ.​ഡി.​എ​യി​ൽ ചേ​രാ​ൻ പ​ദ്ധ​തി​യി​ടു​ക​യാ​ണോ? അ​യോ​ധ്യ​യി​ലെ രാ​മ​ക്ഷേ​ത്ര​നി​ർ​മാ​ണ​വു​മാ​യി ബ​ന്ധ​പ്പെ​ട്ട് പാ​ർ​ട്ടി നേ​താ​വ് കെ. ​ക​വി​ത​യു​ടെ സ​മൂ​ഹ​മാ​ധ്യ​മ പോ​സ്റ്റി​നു പി​ന്നാ​ലെ​യാ​ണ് രാ​ഷ്ട്രീ​യ വൃ​ത്ത​ങ്ങ​ളി​ൽ ഈ ​ചോ​ദ്യം ച​ർ​ച്ച​യാ​കു​ന്ന​ത്.

കോ​ടി​ക്ക​ണ​ക്കി​ന് ഹി​ന്ദു​ക്ക​ളു​ടെ സ്വ​പ്ന​സാ​ക്ഷാ​ത്കാ​ര​മാ​ണ് ക്ഷേ​ത്ര​മെ​ന്നാ​ണ് ക​വി​ത അ​ഭി​പ്രാ​യ​പ്പെ​ട്ട​ത്.

മ​തേ​ത​ര പാ​ർ​ട്ടി​യെ​ന്ന് സ്വ​യം വി​ളി​ച്ചി​രു​ന്ന ബി.​ആ​ർ.​എ​സി​ന്റെ ന​യം​മാ​റ്റ​ത്തി​ന്റെ സൂ​ച​ന​​യാ​ണോ ഇ​തെ​ന്ന സം​ശ​യ​മാ​ണ് ഉ​യ​രു​ന്ന​ത്. തെ​ല​ങ്കാ​ന​യി​ൽ അ​ധി​കാ​രം ന​ഷ്ട​പ്പെ​ട്ട് ഒ​രാ​ഴ്ച​ക്കു​ശേ​ഷ​മാ​ണ് പു​തി​യ നി​ല​പാ​ടു​മാ​യി ബി.​ആ​ർ.​എ​സ് എ​ത്തു​ന്ന​ത്. ജെ.​ഡി.​എ​സി​ന്റെ വ​ഴി സ്വീ​ക​രി​ച്ച് ബി.​ആ​ർ.​എ​സും എ​ൻ.​ഡി.​എ​യി​ലേ​ക്ക് ചേ​ക്കേ​റു​മോ എ​ന്ന​താ​ണ് രാ​ഷ്ട്രീ​യ നി​രീ​ക്ഷ​ക​ർ ഉ​റ്റു​നോ​ക്കു​ന്ന​ത്.

ബി.​ആ​ർ.​എ​സ് നേ​താ​വും മു​ൻ ഉ​പ​മു​ഖ്യ​മ​ന്ത്രി​യു​മാ​യ ക​ദി​യം ശ്രീ​ഹ​രി​യും തെ​ര​ഞ്ഞെ​ടു​പ്പി​ലെ പ​രാ​ജ​യ​ശേ​ഷം ചി​ല പ​രാ​മ​ർ​ശ​ങ്ങ​ൾ ന​ട​ത്തി​യി​ട്ടു​ണ്ട്. മാ​സ​ങ്ങ​ൾ​ക്കു​ള്ളി​ൽ കോ​ൺ​ഗ്ര​സ് സ​ർ​ക്കാ​ർ ത​ക​രു​മെ​ന്നും ബി.​ജെ.​പി​യു​ടെ​യും എ.​ഐ.​എം.​ഐ.​എ​മ്മി​ന്റെ​യും സ​ഹാ​യ​ത്തോ​ടെ ബി.​ആ​ർ.​എ​സ് വീ​ണ്ടും അ​ധി​കാ​ര​ത്തി​ൽ വ​രു​മെ​ന്നു​മാ​ണ് അ​ദ്ദേ​ഹം പ​റ​യു​ന്ന​ത്.ബി.​ആ​ർ.​എ​സും ബി.​ജെ.​പി​യും ത​മ്മി​ൽ അ​ന്ത​ർ​ധാ​ര​യു​ണ്ടെ​ന്ന് നേ​ര​ത്തേ ആ​രോ​പ​ണ​മു​യ​ർ​ന്നി​രു​ന്നു.

രാ​മ​ക്ഷേ​ത്ര​വി​ഷ​യ​ത്തി​ൽ ക​വി​ത​യു​ടെ പ്ര​സ്താ​വ​ന​യെ പ​രി​ഹ​സി​ച്ച ബി.​ജെ.​പി അ​നു​ഭാ​വി​ക​ൾ കെ.​സി.​ആ​റും ക​വി​ത​യും മു​മ്പ് അ​യോ​ധ്യ വി​ഷ​യ​ത്തി​ൽ ന​ട​ത്തി​യ പ്ര​സ്താ​വ​ന​ക​ൾ കു​ത്തി​പ്പൊ​ക്കി.