കാലിടറി ബ്രിജ്​ഭൂഷൺ: സ​ർ​ക്കാ​റി​നു മു​ന്നി​ൽ വ​ഴി​യ​ട​യു​ന്നു; രാ​ജി​ക്കും അ​റ​സ്റ്റി​നും സാ​ധ്യ​ത​യേ​റി

ന്യൂ​ഡ​ൽ​ഹി: ഗു​സ്തി താ​ര​ങ്ങ​ളെ പീ​ഡി​പ്പി​ച്ച ബി.​ജെ.​പി എം.​പി​യും ഗു​സ്തി ഫെ​ഡ​റേ​ഷ​ൻ പ്ര​സി​ഡ​ന്‍റു​മാ​യ ബ്രി​ജ്​​ഭൂ​ഷ​ൺ യാ​ദ​വി​ന്​ കാ​ലി​ട​റു​ന്നു. ഗു​സ്തി താ​ര​ങ്ങ​ൾ ന​ൽ​കി​യ പ​രാ​തി​പ്ര​കാ​രം പൊ​ലീ​സ്​ ര​ജി​സ്റ്റ​ർ ചെ​യ്ത ​എ​ഫ്.​ഐ.​ആ​റി​ലെ വി​വ​ര​ങ്ങ​ൾ പു​റ​ത്തു​വ​രു​ക​യും പ്ര​തി​ഷേ​ധം അ​തി​ശ​ക്ത​മാ​വു​ക​യും ചെ​യ്ത​തോ​ടെ, സം​ര​ക്ഷ​ണം ന​ൽ​കി​വ​ന്ന സ​ർ​ക്കാ​റി​നു മു​മ്പി​ലും വ​ഴി അ​ട​യു​ന്നു. രാ​ജി​ക്കും അ​റ​സ്റ്റി​നും സാ​ധ്യ​ത​യേ​റി.

ഗു​സ്തി താ​ര​ങ്ങ​ളു​ടെ സ​മ​ര​ത്തെ ഹി​ന്ദു സ​ന്യാ​സി​മാ​രെ ഇ​റ​ക്കി ത​ട​യാ​മെ​ന്ന ധാ​ര​ണ​യി​ൽ തി​ങ്ക​ളാ​ഴ്ച അ​യോ​ധ്യ​യി​ൽ ന​ട​ത്താ​നി​രു​ന്ന ജ​ന​ചേ​ത​ന മ​ഹാ​റാ​ലി ബ്രി​ജ്​​ഭൂ​ഷ​ൺ റ​ദ്ദാ​ക്കി. സു​പ്രീം​കോ​ട​തി നി​ർ​ദേ​ശം നി​ല​നി​ൽ​ക്കു​ന്നു​വെ​ന്ന വി​ശ​ദീ​ക​ര​ണ​ത്തോ​ടെ​യാ​ണി​തെ​ങ്കി​ലും, പാ​ർ​ട്ടി ഉ​ന്ന​ത നേ​തൃ​ത്വ​ത്തി​ന്‍റെ ഇ​ട​പെ​ട​ലി​നെ തു​ട​ർ​ന്നാ​ണി​ത്. മൗ​നം പാ​ലി​ക്കാ​ൻ എം.​പി​യോ​ട്​ പാ​ർ​ട്ടി നി​ർ​ദേ​ശി​ച്ചെ​ന്നാ​ണ്​ സൂ​ച​ന.

പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി അ​ട​ക്കം ഏ​ഴു പേ​രു​ടെ പ​രാ​തി പ്ര​കാ​രം ന്യൂ​ഡ​ൽ​ഹി കോ​ണാ​ട്ട്​​പ്ലേ​സ്​ പൊ​ലീ​സ്​ സ്​​റ്റേ​ഷ​നി​ൽ ര​ജി​സ്റ്റ​ർ ചെ​യ്ത ര​ണ്ട്​ എ​ഫ്.​ഐ.​ആ​റു​ക​ൾ ബ്രി​ജ്​​ഭൂ​ഷ​ൺ ന​ട​ത്തി​യ ക​ടു​ത്ത പീ​ഡ​ന​ങ്ങ​ൾ വി​വ​രി​ക്കു​ന്നു​ണ്ട്. ​ഇ​ന്ത്യ​യി​ലും പു​റ​ത്തും മ​ത്സ​ര​ങ്ങ​ളി​ൽ പ​​​​​ങ്കെ​ടു​ക്കാ​നാ​യി ന​ട​ത്തി​യ യാ​ത്ര​ക​ൾ​ക്കി​ട​യി​ൽ ലൈം​ഗി​ക താ​ൽ​പ​ര്യ​ങ്ങ​ൾ​ക്ക്​ വ​ഴ​ങ്ങാ​ൻ നി​ർ​ബ​ന്ധി​ക്കു​ക​യും സ്വ​കാ​ര്യ ഭാ​ഗ​ങ്ങ​ളി​ൽ ബ​ലാ​ത്കാ​ര​മാ​യി ക​ട​ന്നു​പി​ടി​ക്കു​ക​യും ചെ​യ്തു​വെ​ന്നാ​ണ്​ വ​നി​ത ഗു​സ്തി താ​ര​ങ്ങ​ളു​ടെ മൊ​ഴി.

ആ​റു താ​ര​ങ്ങ​ൾ ഒ​ന്നിച്ചും പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​ക്ക്​ വേ​ണ്ടി പി​താ​വ്​ പ്ര​ത്യേ​ക​മാ​യും മൊ​ഴി ന​ൽ​കി​യ​തു പ്ര​കാ​ര​മാ​ണ്​ ര​ണ്ട്​ എ​ഫ്.​ഐ.​ആ​ർ. ര​ണ്ടാ​മ​ത്തെ പ​രാ​തി​യി​ന്മേ​ൽ പോ​ക്​​സോ നി​യ​മ​പ്ര​കാ​ര​വും ര​ജി​സ്റ്റ​ർ ചെ​യ്ത കേ​സി​ൽ പ്ര​തി​യെ ആ​ഴ്ച​ക​ൾ​ക്കു ശേ​ഷ​വും അ​റ​സ്റ്റു ചെ​യ്യാ​ൻ പൊ​ലീ​സ്​ മ​ടി​ക്കു​ന്ന​തി​നി​ട​യി​ലാ​ണ്, എ​ഫ്.​ഐ.​ആ​ർ ഉ​ള്ള​ട​ക്കം പു​റ​ത്തു​വ​ന്ന​ത്.

ലൈം​ഗി​ക പീ​ഡ​ന​ത്തി​ന്​ തെ​ളി​വു ന​ൽ​കി​യാ​ൽ രാ​ജി​വെ​ക്കാ​മെ​ന്ന ബ്രി​ജ്​​ഭൂ​ഷ​ണി​ന്‍റെ വി​ചി​ത്ര വി​ശ​ദീ​ക​ര​ണ​ത്തി​ൽ തൃ​പ്​​തി​പ്പെ​ട്ടു നി​ന്ന ബി.​ജെ.​പി​ക്കും സ​ർ​ക്കാ​റി​നും ഇ​ത്​ തി​രി​ച്ച​ടി​യാ​യി. ഇ​ന്ത്യ​ക്കു വേ​ണ്ടി 1983ൽ ​​ക്രി​ക്ക​റ്റ്​ ലോ​ക​ക​പ്​ നേ​ടി​യ ക​പി​ൽ ദേ​വ്, സു​നി​ൽ ഗ​വാ​സ്ക​ർ, കീ​ർ​ത്തി ആ​സാ​ദ്, റോ​ജ​ർ ബി​ന്നി തു​ട​ങ്ങി​യ താ​ര​ങ്ങ​ൾ സം​യു​ക്ത പ്ര​സ്താ​വ​ന​യി​ലൂ​ടെ ഗു​സ്തി താ​ര​ങ്ങ​ൾ​ക്ക്​ പി​ന്തു​ണ പ്ര​ഖ്യാ​പി​ച്ച​ത്​ സ​ർ​ക്കാ​റി​ൽ സ​മ്മ​ർ​ദം കൂ​ട്ടി​യി​ട്ടു​ണ്ട്.

വ​ൻ പ്ര​തി​ഷേ​ധം ഉ​യ​ർ​ത്തി​യ ബ്രി​ജ്​​ഭൂ​ഷ​ൺ സം​ഭ​വം സ്ത്രീ ​വോ​ട്ടി​നെ വ​ല്ലാ​തെ സ്വാ​ധീ​നി​ച്ചി​ട്ടു​ണ്ടെ​ന്ന്​ പാ​ർ​ട്ടി​യു​ടെ വ​നി​ത നേ​താ​ക്ക​ളി​ൽ ചി​ല​ർ നേ​തൃ​ത്വ​ത്തെ ധ​രി​പ്പി​ച്ചി​ട്ടു​മു​ണ്ട്.

ഭൂഷണെ ഒമ്പതിനകം അറസ്റ്റുചെയ്യണം അന്ത്യശാസനവുമായി കർഷക സംഘടനകൾ

കു​രു​ക്ഷേ​ത്ര(​ഹ​രി​യാ​ന): ഗു​സ്തി താ​ര​ങ്ങ​ളെ ലൈം​ഗി​ക​മാ​യി പീ​ഡി​പ്പി​ച്ചെ​ന്ന ആ​രോ​പ​ണം നേ​രി​ടു​ന്ന ഗു​സ്തി ഫെ​ഡ​റേ​ഷ​ൻ മേ​ധാ​വി​യും ബി.​ജെ.​പി എം.​പി​യു​മാ​യ ബ്രി​ജ് ഭൂ​ഷ​ൺ ശ​ര​ൺ സി​ങ്ങി​നെ അ​റ​സ്റ്റു​ചെ​യ്യ​ണ​മെ​ന്ന് കു​രു​ക്ഷേ​ത്ര​യി​ൽ ചേ​ർ​ന്ന ഖാ​പ് മ​ഹാ പ​ഞ്ചാ​യ​ത്ത് ആ​വ​ശ്യ​പ്പെ​ട്ടു.

അ​റ​സ്റ്റി​നാ​യി സ​ർ​ക്കാ​റി​ന് ജൂ​ൺ ഒ​മ്പ​തു​വ​​രെ സ​മ​യം ന​ൽ​കു​ക​യാ​ണെ​ന്നും പ​ഞ്ചാ​യ​ത്ത് വ്യ​ക്ത​മാ​ക്കി. ഗു​സ്തി​ക്കാ​രു​ടെ പ്ര​ശ്ന​ത്തി​ൽ അ​ടു​ത്ത​ഘ​ട്ട​ത്തി​ൽ സ്വീ​ക​രി​ക്കേ​ണ്ട കാ​ര്യ​ങ്ങ​ൾ യോ​ഗം ച​ർ​ച്ച ചെ​യ്തു​വെ​ന്ന് ഭാ​ര​തീ​യ കി​സാ​ൻ യൂ​നി​യ​ൻ (ബി.​കെ.​യു) നേ​താ​വ് രാ​കേ​ഷ് ടി​കാ​യ​ത് പ​റ​ഞ്ഞു.

ജൂ​ൺ ഒ​മ്പ​തി​ന​കം ന​ട​പ​ടി​യു​ണ്ടാ​യി​ല്ലെ​ങ്കി​ൽ രാ​ജ്യ​മാ​കെ പ​ഞ്ചാ​യ​ത്തു​ക​ൾ ചേ​ർ​ന്ന് സ​മ​രം ശ​ക്തി​പ്പെ​ടു​ത്തു​ക​യും ഗു​സ്തി​ക്കാ​ർ ജ​ന്ത​ർ മ​ന്ത​റി​ലേ​ക്ക് സ​മ​ര​ത്തി​നാ​യി മ​ട​ങ്ങു​ക​യും ചെ​യ്യും -ടി​കാ​യ​ത് അ​റി​യി​ച്ചു.