പശ്​ചിമബംഗാളിൽ പാലം തകർന്നു

കൊൽക്കത്ത: പശ്​ചമിബംഗാളിൽ വീണ്ടും പാലം തകർന്നു വീണു. സംഭവത്തിൽ ഒരാൾക്ക്​ പരിക്കേറ്റു. ഡാർജലിങ്​ ജില്ലയിൽ സിലിഗുരിക്കടുത്താണ്​ പാലം തകർന്ന്​ വീണതെന്ന്​ പശ്​ചിമബംഗാൾ മന്ത്രി രബീന്ദ്രനാഥ്​ ഘോഷ്​ അറിയിച്ചു.

ട്രക്ക്​ സഞ്ചരിക്കു​േമ്പാൾ പാലം നെടുകെ പിളരുകയായിരുന്നു. ബംഗാളിലെ മനാഗഞ്ച്​ മേഖലയെ സിലിഗുരിയുയമായി ബന്ധപ്പിക്കുന്ന പ്രധാന പാലമാണ്​ തകർന്ന്​ വീണത്​. പരിക്കേറ്റ ട്രക്ക്​ ഡ്രൈവറെ ആശുപത്രിയിൽ പ്രവേശിപ്പിച്ചു.

ഒരാഴ്​ചക്കിടെ ഇത്​ രണ്ടാം തവണയാണ്​ പശ്​ചിമബംഗാളിൽ പാലം തകർന്ന്​ വീഴുന്നത്​. സെപ്​തംബർ നാലിന്​ കൊൽക്കത്തയിലും സമാന സംഭവമുണ്ടായിരുന്നു.