വില​യേറിയ 'മേക്കപ്പ്​' പോകും; മാസ്​ക്​ ധരിക്കാത്തതിന്​ വധുവിന്​ പിഴയിട്ട്​ ​െപാലീസ്​

ന്യൂഡൽഹി: പഞ്ചാബിന്‍റെ തലസ്​ഥാന നഗരമായ ഛണ്ഡിഗഡിൽ മാസ്ക്​ ധരി​ക്കാത്തതിന്​ വധുവിന്​ പിഴ. മാസ്​ക്​ ധരിക്കാതെ യുവതി വിവാഹ പന്തലിലേക്ക്​ പോകുന്നതിനിടെയാണ്​ പൊലീസ്​ പിഴയിട്ടത്​.

വിവാഹവസ്​ത്രമണിഞ്ഞ യുവതി സെക്​ടർ 8 ഗുരദ്വാരയിലേക്ക്​ കാറിൽ പോകുകയായിരുന്നു. സെക്​ടർ എട്ടിന്‍റെയും ഒമ്പതിന്‍റെയും ട്രാഫിക്​ സിഗ്​നലിന്​ സമീപം വധു മാസ്​ക്​ ധരിക്കാത്തത്​ ശ്രദ്ധയിൽപ്പെട്ടതിനെ തുടർന്ന്​ ​പൊലീസ്​ കാർ തടഞ്ഞുനിർത്തുകയായിരുന്നു.

എന്നാൽ മാസ്​ക്​ ധരിച്ചാൽ മുഖത്തെ വിലകൂടിയ മേക്കപ്പ്​ പോകുമെന്നായിരുന്നു വധുവിന്‍റെയും കുടുംബാംഗങ്ങളുടെയും വാദം.

'മാസ്​ക്​ തന്‍റെ വിലയേറിയ മേക്കപ്പ്​ നശിപ്പിക്കുമെന്നാണ്​ വധു വിചിത്രവാദം ഉന്നയിക്കുന്നത്​. അതിനെ കുടുംബാംഗങ്ങൾ പിന്തുണക്കുകയും ചെയ്യുകയായിരുന്നു' -പ്രദേശത്തുണ്ടായിരുന്ന പൊലീസുകാരിൽ ഒരാൾ പറഞ്ഞു.

വധുവിന്‍റെ വിശദീകരണം തൃപ്​തികരമാകാതെ വന്നതോടെ പൊലീസ്​ 1000 രൂപ പിഴയിട്ടു.

രാജ്യത്ത്​ കോവിഡ്​ രണ്ടാംതരംഗം ശക്തി പ്രാപിക്കുന്നതിനിടെയാണ്​ ഈ സംഭവം. മൂന്നുലക്ഷത്തിലധികം പേർക്കാണ്​ രാജ്യത്ത്​ പ്രതിദിനം കോവിഡ്​ സ്​ഥിരീകരിക്കുന്നത്​. കോവിഡ്​ വ്യാപനത്തിന്‍റെ പശ്ചാത്തലത്തിൽ മാസ്​ക്​ ധരിക്കുന്നത്​ നിർബന്ധമാക്കിയിരുന്നു.