കോൺഗ്രസ്​ ടിക്കറ്റിൽ മൽസരിക്കുമെന്ന്​ ബലാൽസംഗ കേസിലെ പ്രതി ബ്രജേഷ്​ താക്കൂർ

പട്​ന: അടുത്ത തെരഞ്ഞെടുപ്പിൽ കോൺഗ്രസ്​ ടിക്കറ്റിൽ താൻ മൽസരിക്കുമെന്ന്​ ബലാൽസംഗ കേസിലെ പ്രതി. ബിഹാർ മുസഫർപൂരിലെ അഭയ കേന്ദ്രത്തിൽ 34 പെൺകുട്ടികൾ ബലാൽസംഗം ചെയ്യപ്പെട്ട കേസിലെ പ്രതി ബ്രജേഷ്​ കുമാർ താക്കൂർ ആണ്​ ഇൗ അവകാശവാദവുമായി രംഗത്തെത്തിയത്​. ത​​​െൻറ അറസ്​റ്റ്​ രാഷ്​ട്രീയ ഗുഢാലോചനയാണ്​. താൻ പറയുന്നത്​ സ്​ഥിരീകരിക്കാൻ കേസ്​ ഡയറി വായിച്ചു നോക്കാമെന്നും ഒരു പെൺകുട്ടി പോലും തനിക്കെതിരെ പരാതി നൽകിയിട്ടില്ലെന്നും അദ്ദേഹം പറഞ്ഞു. 

താൻ കോൺഗ്രസിൽ ചേരാനും അടുത്ത തെരഞ്ഞെടുപ്പിൽ മുസഫർപൂരിൽ നിന്ന്​ മൽസരിക്കാനും തയ്യാറെടുക്കുകയാണ്​. കോൺഗ്രസ്സുമായി ഇക്കാര്യത്തിലുള്ള ചർച്ച അന്തിമ ഘട്ടത്തിലെത്തി നിൽക്കുകയാണ്​. ഇക്കാര്യങ്ങൾ അറിഞ്ഞ എതിരാളികൾ ഗൂഢാലോചന ആസൂത്രണം ചെയ്യുകയായിരുന്നുവെന്നും ബ്രജേഷ്​ താക്കൂർ പറഞ്ഞു. ബ്രജേഷി​​​െൻറ അടുത്ത അനുയായിയായി കണക്കാക്കുന്ന മധു എന്നയാളെ കുറിച്ച്​ ചോദിച്ചപ്പോൾ അറിയില്ലെന്നായിരുന്നു മറുപടി. സ്​ഥാപനത്തി​​​െൻറ പ്രവർത്തന രീതികളെ കുറിച്ച്​ പൊലീസ്​ അന്വേഷിച്ചു തുടങ്ങിയപ്പോഴേക്ക്​ ഒളിവിൽ പോയ വ്യക്തിയാണ്​ മധു. 

സംസ്​ഥാന സാമൂഹ്യ ക്ഷേമ വകുപ്പ്​ മന്ത്രി മഞ്​ജു ​െവർമ്മയുടെ ഭർത്താവ്​ ചന്ദേശ്വർ വെർമ്മയുമായി ഫോണിൽ സംസാരിച്ചിട്ടുണ്ടെന്ന കാര്യം ബ്രജേഷ്​ താക്കൂർ അംഗീകരിച്ചു. എന്നാൽ അത്​ രാഷ്​ട്രീയ ചർച്ച മാത്രമായിരുന്നുവെന്ന്​ അദ്ദേഹം പറഞ്ഞു. മെയ്​ 31നാണ്​ ബ്രിജേഷ്​ താക്കൂറിനെതിരെ പൊലീസ്​ കേസെടുത്തത്​.