അംബേദ്​കർ പ്രതിമയിൽ ചാണകം പതിച്ചു; കലബുറഗിയിൽ സംഘർഷം

ബംഗളൂരു: കലബുറഗിയിൽ അംബേദ്​കർ പ്രതിമയിൽ സാമൂഹികദ്രോഹികൾ ചാണകം പതിച്ചതിനെ തുടർന്ന്​ ദലിത്​ സംഘടനകളുടെ പ്രത ിഷേധം അക്രമാസക്​തമായി. കലബുറഗി കമലാപുർ ദസ്​താപുരിൽ വെള്ളിയാഴ്​ച അർധരാത്രിയാണ്​ സംഭവമെന്ന്​ കരുതുന്നു. ശനിയാഴ്​ച രാവിലെയാണ്​ പ്രതിമയിൽ ചാണകം പുരണ്ട നിലയിൽ നാട്ടുകാർ കണ്ടത്​.

ഇതോടെ ദലിത്​ സംഘടനകൾ പ്രതിഷേധവുമായി രംഗത്തെത്തുകയും റോഡ്​ ഉപരോധിക്കുകയുമായിരുന്നു. കടകൾക്കുനേരെ കല്ലേറ്​ നടന്നു. നിരവധി ഇരുചക്രവാഹനങ്ങളും തകർത്തു. കലബുറഗി എസ്​.പിയുടെ നേതൃത്വത്തിൽ വൻ പൊലീസ്​ സംഘം സ്​ഥലത്ത്​ ക്യാമ്പ്​ ചെയ്യുന്നുണ്ട്​. ദലിത്​ ഭൂരിപക്ഷ മേഖലയായ കലബുറഗി ഇത്തവണ ലോക്​സഭ തെരഞ്ഞെടുപ്പിൽ കോൺഗ്രസിൽനിന്ന്​ ബി.ജെ.പി പിടിച്ചെടുത്തിരുന്നു.