Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'അവൾ ജീവിക്കണം';...

'അവൾ ജീവിക്കണം'; അപർണയെ ദുരഭിമാനക്കൊലയിൽ നിന്ന്​ രക്ഷിക്കാൻ വിജയ്​ സ്വയം എരിഞ്ഞടങ്ങി

text_fields
bookmark_border
vijay suicide TN
cancel

ചെന്നൈ: കാമുകിയെ ദുരഭിമാനക്കൊലയിൽ നിന്ന്​ രക്ഷിക്കാനായി യുവാവ് അവളുടെ വീടിന്​ മുമ്പിൽ വെച്ച്​ ആത്മാഹുതി ചെയ്​തു. തമിഴ്​നാട്ടിലെ രാമനാഥപുരം ജില്ലയിൽ ശനിയാഴ്​ചയാണ്​​ സംഭവം. ​

ശിവഗംഗ ജില്ലയിലെ സ്വകാര്യ എൻജിനിയറിങ്​ കോളജിൽ വെച്ചാണ്​ 25കാരനായ വിജയ്​ അപർണ ശ്രീയെ കണ്ടുമുട്ടിയത്​. കോഴ്​സ്​ അവസാനിക്കാറായപ്പോൾ ഇരുവരും പ്രണയത്തിലായി. പിന്നാലെ ജോലി തേടി വിജയ്​ ചെന്നൈയിലേക്​ പോയി. പ്രണയം അപർണശ്രീയുടെ വീട്ടിൽ അറിഞ്ഞുവെന്നും തമ്മിൽ ബന്ധപ്പെടാതിരിക്കാൻ അവർ മൊബൈൽ ഫോൺ നശിപ്പിച്ചു കളഞ്ഞതായും ഒരു സുഹൃത്ത്​ വഴി വിജയ്​ അറിഞ്ഞു.

ശേഷം വിജയ്​ ത​െൻറ ബന്ധുക്കളെ കൂട്ടി പോയി അപർണശ്രീയുടെ വീട്ടിലെത്തി വിവാഹം ആലോചിച്ചു. വിവാഹം നടത്താൻ വിസമ്മതിച്ച അപർണയുടെ ബന്ധുക്കൾ കാരെയ്​കുടി പൊലീസ്​ സ്​റ്റേഷനിൽ വിജയ്​ക്കെതിരെ പരാതിയും നൽകി.

ശനിയാഴ്​ച വൈകുന്നേരം വീണ്ടും വിജയ്​ അപർണയുടെ വീട്ടിലെത്തി. അപർണ മരിക്കുന്നതോടെ എല്ലാ പ്രശ്​നങ്ങൾക്കും പരിഹാരമാകുമെല്ലോ എന്ന്​ അവളുടെ ബന്ധുക്കൾ പറഞ്ഞതോടെ വിജയ്​ ഞെട്ടി.

ഇത്​ കേട്ട്​ ആഘാതത്തിൽ കാമുകിയെ രക്ഷിക്കാനായി പെട്രോൾ വാങ്ങി വന്ന വിജയ്​ അപർണയുടെ വീടിന്​ മുമ്പിൽ വെച്ച് സ്വയം​ തീകൊളുത്തി. അവൾ ജീവിക്കണം എന്നായിരുന്നു വിജയ്​യുടെ അവസാന വാക്കുകൾ. അയൽവാസികൾ ഫയർഫോഴ്​സിനെ വിവരമറിയിച്ച്​ ആശുപത്രിയിലെത്തിച്ചെങ്കിലും രക്ഷിക്കാനായില്ല. കേസിൽ അന്വേഷണം ആരംഭിച്ചു.

Show Full Article
TAGS:honour killing suicide Tamil Nadu 
News Summary - boyfriend suicide in front of lover's house to save her from honour killing
Next Story