അംബേദ്​കറുടെ അനുയായികൾ ബൗദ്ധിക തീവ്രവാദികളെന്ന്​ രാംദേവ്​; പതഞ്​ജലി ബഹിഷ്​കരിക്കാൻ ആഹ്വാനം

ന്യൂഡൽഹി: ബി.ആർ അംബേദ്​കറുടേയും പെരിയാർ ഇ.വി രാമസ്വാമിയുടേയും അനുയായികൾക്ക്​ നേരെയുള്ള ബാബ രാംദേവിന്‍റെ പ്രസ്​താവന വിവാദമാകുന്നു. നവംബറിൽ ഒരു അഭിമുഖത്തിനിടെ ഇരുവരുടേയും അനുയായികൾ ബൗദ്ധിത തീവ്രവാദികളാണെന്ന്​ രാംദേവ്​ അഭിപ്രായപ്പെട്ടിരുന്നു. ഈ പരാമർശം സമൂഹമാധ്യമങ്ങളിൽ വൈറലായതോടെ പതഞ്​ജലി ബഹിഷ്​കരിക്കാനുള്ള ആഹ്വാനം ട്വിറ്ററിൽ ട്രെൻഡിങ്ങായി മാറി.

ദി ആൾ ഇന്ത്യ അംബേദ്​കർ മഹാസഭ, ആൾ ഇന്ത്യ ബാക്​വാഡ്​ ആൻഡ്​ മൈനോരിറ്റി കമ്യൂണിറ്റീസ്​ എം​േപ്ലായീസ്​ ഫെഡറേഷൻ, ഭീം ആർമി എന്നിവർ രാംദേവിന്‍റെ പ്രസ്​താവനക്കെതിരെ രംഗത്തെത്തി. രാംദേവ്​ ജാതിവ്യവസ്ഥയെ മഹത്വവൽക്കരിക്കുന്ന മനുസ്​മൃതിയുടെ പ്രചാരകരാണെന്ന്​ ഇവർ ആരോപിച്ചു.

ലെനിൻ, മാർക്​സ്​, മാവോ തുടങ്ങിയവരുടെ വീക്ഷണങ്ങൾ ഇന്ത്യക്കെതിരാണെന്നും രാംദേവ്​ അഭിമുഖത്തിൽ പറഞ്ഞിരുന്നു.