കാഡ്ബറി ഉത്പന്നങ്ങളിൽ ഹലാൽ ബീഫെന്ന്, ട്വിറ്ററിൽ ബഹിഷ്കരണാഹ്വാനം; വിശദീകരണവുമായി കമ്പനി
text_fields
ബ്രിട്ടീഷ് കമ്പനിയായ കാഡ്ബറിക്കെതിരെ സമൂഹ മാധ്യമങ്ങളിൽ പുതിയ വിവാദം പൊട്ടിപ്പുറപ്പെട്ടിരിക്കുകയാണ്. ഇത്തവണ വിഷയം ബീഫാണ്. കാഡ്ബറി നിർമിക്കുന്ന ചോക്ക്ലേറ്റിെൻറ ചേരുവകളിൽ ഹലാൽ ബീഫ് അടങ്ങിയിട്ടുണ്ടെന്ന് കാട്ടിയാണ് ട്വിറ്ററിൽ ബ്രാൻഡിനെ ബഹിഷ്കരിക്കാനുള്ള ആഹ്വാനങ്ങൾ ഉയരുന്നത്.
ചോക്ലേറ്റിൽ ജലാറ്റിൻ അടങ്ങിയിട്ടുണ്ടെന്നും ഹലാൽ സർട്ടിഫിക്കറ്റുള്ള ജലാറ്റിൻ ഗോമാംസത്തിൽ നിന്ന് ഉൽപ്പാദിപ്പിക്കുന്നതുമാണെന്ന് പറയുന്ന ഒരു സ്‌ക്രീൻഷോട്ട് ട്വിറ്ററിൽ പ്രചരിച്ചതോടെയാണ് വിവാദങ്ങൾക്ക് തുടക്കമാവുന്നത്. ''വെജിറ്റേറിയൻമാരോടാണ്... തങ്ങളുടെ ഉത്പന്നങ്ങളിൽ ഹലാൽ ബീഫ് അടങ്ങിയിട്ടുണ്ടെന്ന് കാഡ്ബറി സമ്മതിച്ചിട്ടുണ്ട്... നിങ്ങളുടെ അറിവിലേക്കായി പറയുന്നതാണ്... കഴിക്കലും കഴിക്കാതിരിക്കലും നിങ്ങളുടെ ചോയ്സ്. - ട്വിറ്ററിൽ ചിത്രം പങ്കുവെച്ച വ്യക്തി അടിക്കുറിപ്പായി എഴുതി. പിന്നാലെ കാഡ്ബറി ബഹിഷ്കരിച്ച് അമൂൽ ഉത്പന്നങ്ങൾ മാത്രം വാങ്ങാൻ ആഹ്വാനവുമായി നിരവധിപേർ എത്തി.
Those proud Hindus who love Cadbury chocolates this is for you. @amul can use it as stepping stone to increase their chocolate sales. Expose @CadburyWorld pic.twitter.com/6e41hTbQxu
— Radharamn Das (@RadharamnDas) July 18, 2021
എന്നാൽ, സംഭവത്തിൽ കാഡ്ബറി വിശദീകരണവുമായി വന്നു. പ്രചരിക്കുന്ന സ്ക്രീൻഷോട്ടുകൾ ഇന്ത്യയുമായി ബന്ധപ്പെട്ടുള്ളതല്ലെന്ന് അവർ വ്യക്തമാക്കി. ഇന്ത്യയിൽ തങ്ങൾ വിൽക്കുന്ന ഉത്പന്നങ്ങളിലൊന്നിലും ബീഫ് അടങ്ങിയിട്ടില്ലെന്നും കമ്പനി പറഞ്ഞു. ''ഇന്ത്യയിൽ നിർമ്മിച്ച് വിൽക്കുന്ന എല്ലാ ഉൽപ്പന്നങ്ങളും 100 ശതമാനം വെജിറ്റേറിയൻ ആണ്. റാപ്പറിലെ പച്ച ഡോട്ട് അതിനെ സൂചിപ്പിക്കുന്നു" - ട്വിറ്ററിൽ സംശയമുന്നയിച്ച ഒരാളോട് മറുപടിയായി കമ്പനി പറഞ്ഞു.
സ്‌ക്രീൻഷോട്ട് യഥാർത്ഥത്തിൽ ഒരു കാഡ്ബറി വെബ്‌സൈറ്റിൽ നിന്നുള്ളതാണെങ്കിലും, ഇന്ത്യയിൽ വിൽക്കുന്ന ഉൽപ്പന്നങ്ങളുമായി അതിന് ബന്ധമില്ലെന്ന് കമ്പനി പറയുന്നത് ശരിയാണ്. കാരണം, സ്ക്രീൻഷോട്ടിൽ കാണുന്ന വെബ് സൈറ്റിെൻറ യു.ആർ.എൽ Cadbury.com.au എന്നാണ്. കമ്പനിയുടെ ആസ്‌ട്രേലിയൻ യൂണിറ്റിെൻറ വെബ്‌സൈറ്റാണ് അത് സൂചിപ്പിക്കുന്നത്, '.au' എന്നത് ആസ്‌ട്രേലിയയ്‌ക്കായുള്ള കൺട്രി കോഡ് ടോപ്പ് ലെവൽ ഡൊമെയ്‌നാണ്.
— Cadbury Dairy Milk (@DairyMilkIn) July 18, 2021
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
