തിയറ്ററുകളും ഷോകളും ഇല്ല; ബുക്ക്​ മൈ ഷോ 200 ജീവനക്കാരെ കൂടി പിരിച്ച്​ വിട്ടു

മുംബൈ: സിനിമ ടിക്കറ്റുൾപ്പടെയുള്ള എൻർടെയ്​ൻമെൻറ്​ ഷോകൾ ബുക്ക്​ ചെയ്യാനുള്ള ഓൺലൈൻ ആപ്പായ ബുക്ക്​മൈഷോ 200 ജീവനക്കാരെ കൂടി പിരിച്ച്​ വിടാൻ തീരുമാനിച്ചു. ആപ്പിൻെറ സഹസ്ഥാപകനും ചീഫ്​ എക്​സിക്യൂട്ടീവുമായ ആശിഷ്​ ഹെമ്​രജനി ട്വീറ്റിലൂടെയാണ്​ ഇക്കാര്യം അറിയിച്ചത്​.

കോവിഡിനെ തുടർന്ന്​ ലോക്​ഡൗൺ നടപ്പാക്കിയതിന്​ ശേഷം കമ്പനി ഇത്​ രണ്ടാം തവണയാണ്​ കൂട്ട പിരിച്ച്​ വിടൽ നടപ്പാക്കുന്നത്​.

​കഴിഞ്ഞ മെയ്​ മാസത്തിൽ 270 പേരെ കമ്പനി പിരിച്ച്​ വിട്ടിരുന്നു. ലോക്​ഡൗണിനെ തുടർന്ന്​ തിയറ്ററുകൾ അടഞ്ഞ്​ കിടക്കുന്നതും, ഇവൻറ​ുകളും ഷോകളും നടക്കാത്തതും മൂലം കമ്പനി പ്രതിസന്ധിയിലായെന്നാണ്​ വിശദീകരണം. മുംബൈ ആസ്ഥാനമായ കമ്പനിയിൽ ലോക്​ഡൗണിന്​ മുമ്പ്​ 1500 ​ജീവനക്കാരാണുണ്ടായിരുന്നത്​. ഇപ്പോൾ അത്​ 1000 മായി കുറഞ്ഞു.