ആര്യൻ ഖാൻ മയക്കുമരുന്ന്​ കേസ്​: സമീർ വാങ്കഡെക്ക്​ കോടതിയുടെ ശാസന

മും​ബൈ: മ​യ​ക്കു​മ​രു​ന്ന് കേ​സി​ൽ ആ​ര്യ​ൻ ഖാ​ന്റെ അ​റ​സ്റ്റു​മാ​യി ബ​ന്ധ​പ്പെ​ട്ട് ആ​ര്യ​ന്റെ പി​താ​വും ഹോ​ളി​വു​ഡ് താ​ര​വു​മാ​യ ഷാ​റൂ​ഖ് ഖാ​നു​മാ​യി ന​ട​ത്തി​യ വാ​ട്സ്ആ​പ് ചാ​റ്റ് പ​ര​സ്യ​പ്പെ​ടു​ത്തി​യ മും​ബൈ നാ​ർ​കോ​ട്ടി​ക് ക​ൺ​ട്രോ​ൾ ബ്യൂ​റോ (എ​ൻ.​സി.​ബി) മു​ൻ മേ​ധാ​വി സ​മീ​ർ വാ​ങ്ക​ഡെ​ക്ക് ബോം​ബെ ഹൈ​കോ​ട​തി​യു​ടെ ശാ​സ​ന. വി​ഷ​യം കോ​ട​തി പ​രി​ഗ​ണ​ന​യി​ലാ​ണെ​ന്നി​രി​ക്കെ വാ​ട്സ്ആ​പ് ചാ​റ്റ് എ​ന്ത​ടി​സ്ഥാ​ന​ത്തി​ലാ​ണ് പു​റ​ത്തു​വി​ട്ട​തെ​ന്ന് കോ​ട​തി ചോ​ദി​ച്ചു.

ഷാ​രൂ​ഖി​നോ​ട്‌ 18 കോ​ടി രൂ​പ ആ​വ​ശ്യ​പ്പെ​ട്ട​ത​ട​ക്ക​മു​ള്ള ആ​രോ​പ​ണ​ങ്ങ​ളി​ലെ സി.​ബി.​ഐ കേ​സ് ത​ള്ള​ണ​മെ​ന്നാ​വ​ശ്യ​പ്പെ​ട്ടും മു​ൻ​കൂ​ർ ജാ​മ്യം തേ​ടി​യും വാ​ങ്ക​ഡെ ന​ൽ​കി​യ ഹ​ര​ജി പ​രി​ഗ​ണി​ക്ക​വെ​യാ​ണ് ശാ​സ​ന. ഹ​ര​ജി​ക്കൊ​പ്പം ന​ൽ​കി​യ വി​വ​ര​ങ്ങ​ൾ ചോ​ർ​ന്ന​താ​ണെ​ന്നാ​ണ്​ വാ​ങ്ക​ഡെ​യു​ടെ വാ​ദം. അ​തേ​സ​മ​യം, ജൂ​ൺ എ​ട്ടു​വ​രെ കേ​സി​ൽ വാ​ങ്ക​ഡെ​യെ അ​റ​സ്റ്റ് ചെ​യ്യു​ന്ന​ത്​ കോ​ട​തി ത​ട​ഞ്ഞു. കേ​സി​ൽ അ​ന്വേ​ഷ​ണം നേ​രി​ടു​ന്ന​വ​രു​ടെ ബ​ന്ധു​ക്ക​ളു​മാ​യി ചാ​റ്റ് ചെ​യ്ത​ത് ച​ട്ട​ലം​ഘ​ന​മാ​ണെ​ന്നും വി​ശ​ദ പ​രി​ശോ​ധ​ന ന​ട​ത്തു​മെ​ന്നും എ​ൻ. സി.​ബി വ്യ​ക്​​ത​മാ​ക്കി.

എ​ൻ.​സി.​ബി ഉ​ദ്യോ​ഗ​സ്ഥ​നെ​ന്ന് തോ​ന്നി​പ്പി​ക്കും വി​ധം സ്വ​കാ​ര്യ ഡി​റ്റ​ക്ടി​വ് ഗോ​സാ​വി​യെ മ​യ​ക്കു​മ​രു​ന്ന് കേ​സി​ൽ ഇ​ട​പെ​ടാ​ൻ അ​നു​വ​ദി​ച്ചു, വ​ര​വി​ൽ ക​വി​ഞ്ഞ സ്വ​ത്ത് സ​മ്പാ​ദി​ച്ചു, അ​ന​ധി​കൃ​ത​മാ​യി വി​ദേ​ശ​യാ​ത്ര​ക​ൾ ന​ട​ത്തി തു​ട​ങ്ങി എ​ൻ.​സി.​ബി വി​ജി​ല​ൻ​സ് വി​ഭാ​ഗം ഉ​ന്ന​യി​ച്ച ആ​രോ​പ​ണ​ങ്ങ​ളി​ലാ​ണ് സി.​ബി.​ഐ കേ​സ്. ഇ​തി​നി​ട​യി​ൽ, താ​നും ഭാ​ര്യ​യും വ​ധ​ഭീ​ഷ​ണി നേ​രി​ടു​ന്ന​താ​യി സ​മീ​ർ വാ​ങ്ക​ഡെ ആ​രോ​പി​ച്ചു.