ഐ.​സി.​ഐ.​സി.​ഐ ബാ​ങ്ക്​ മു​ൻ മേ​ധാ​വി ചന്ദ കൊച്ചാറിന്റെ അറസ്റ്റ്​ അധികാര ദുർവിനിയോഗമെന്ന് ​ബോം​ബെ ഹൈകോടതി

മും​ബൈ: വി​ഡി​യോ​കോ​ൺ വാ​യ്പ ത​ട്ടി​പ്പ്​ കേ​സി​ൽ ഐ.​സി.​ഐ.​സി.​ഐ ബാ​ങ്ക്​ മു​ൻ മേ​ധാ​വി ച​ന്ദ കൊ​ച്ചാ​ർ, അ​വ​രു​ടെ ഭ​ർ​ത്താ​വ്​ ദീ​പ​ക്​ കൊ​ച്ചാ​ർ എ​ന്നി​വ​രെ സി.​ബി.​ഐ അ​റ​സ്റ്റ്​ ചെ​യ്ത​ത്​ നി​യ​മ​വി​രു​ദ്ധ​വും അ​ധി​കാ​ര ദു​ർ​വി​നി​യോ​ഗ​വു​മാ​ണെ​ന്ന്​ ബോം​​ബെ ഹൈ​കോ​ട​തി.

നേ​ര​ത്തെ ഇ​രു​വ​ർ​ക്കും മ​റ്റൊ​രു ബെ​ഞ്ച്​ ന​ൽ​കി​യ ഇ​ട​ക്കാ​ല ജാ​മ്യം ശ​രി​വെ​ച്ച്​ ജ​സ്റ്റി​സു​മാ​രാ​യ അ​നു​ജ പ്ര​ഭു ദേ​ശാ​യി, എ​ൻ.​ആ​ർ ബോ​ർ​ക​ർ എ​ന്നി​വ​രു​ടെ ബെ​ഞ്ച്​ പു​റ​പ്പെ​ടു​വി​ച്ച ഉ​ത്ത​ര​വി​ലാ​ണ്​ വി​മ​ർ​ശ​നം. 2017ൽ ​പ​രാ​തി ല​ഭി​ച്ച​തി​നെ തു​ട​ർ​ന്ന്​ ന​ട​ത്തി​യ പ്രാ​ഥ​മി​ക ചോ​ദ്യം ചെ​യ്യ​ലി​ലും 2019ൽ ​കേ​സെ​ടു​ത്ത​പ്പോ​ഴും ല​ഭി​ച്ച​തി​ന​പ്പു​റം അ​റ​സ്റ്റ്​ അ​നി​വാ​ര്യ​മാ​ക്കു​ന്ന മ​റ്റൊ​രു തെ​ളി​വും സി.​ബി.​ഐ ക​ണ്ടെ​ത്തി​യി​ട്ടി​ല്ലെ​ന്ന്​ കോ​ട​തി ചൂ​ണ്ടി​ക്കാ​ട്ടി.

കേ​സെ​ടു​ത്ത്​ മൂ​ന്നു​ വ​ർ​ഷ​ത്തി​ന്​ ശേ​ഷ​മാ​ണ്​ ഇ​രു​വ​രെ​യും ചോ​ദ്യം ചെ​യ്ത​തെ​ന്നും കോ​ട​തി പ​റ​ഞ്ഞു. ചോ​ദ്യം​ചെ​യ്യ​ലി​ൽ സ​ഹ​ക​രി​ക്കാ​ത്ത​തി​നാ​ലാ​ണ്​ അ​റ​സ്റ്റ്​ ചെ​യ്ത​തെ​ന്ന സി.​ബി.​ഐ​യു​ടെ വാ​ദ​വും കോ​ട​തി ത​ള്ളി.

നി​സ്സ​ഹ​ക​ര​ണ​മ​ല്ല ചി​ല ചോ​ദ്യ​ങ്ങ​ളോ​ട്​ പ്ര​തി​ക​രി​ക്കാ​തെ മൗ​നം​പാ​ലി​ച്ച​താ​ണെ​ന്നും അ​ത്​ മൗ​ലി​കാ​വ​കാ​ശ​മാ​ണെ​ന്നു​മു​ള്ള ച​ന്ദ കൊ​ച്ചാ​റി​ന്റെ വാ​ദം കോ​ട​തി അം​ഗീ​ക​രി​ച്ചു. 2022 ഡി​സം​ബ​ർ 23നാ​ണ്​ സി.​ബി.​ഐ ഇ​രു​വ​രെ​യും അ​റ​സ്റ്റ്​ ചെ​യ്ത​ത്. മ​ക​ന്റെ വി​വാ​ഹം ന​ട​ക്കാ​നി​രി​ക്കെ​യാ​യി​രു​ന്നു അ​റ​സ്റ്റ്.