ഡൽഹി-പുണെ വിസ്താര വിമാനത്തിൽ ബോംബ് ഭീഷണി; യാത്രക്കാരെ പുറത്തിറക്കി

ന്യൂഡൽഹി: ഡൽഹി-പുണെ വിസ്താര എയർലൈൻസ് വിമാനത്തിൽ ബോംബ് ഭീഷണി. വിമാനം ഡൽഹി വിമാനത്താവളത്തിലുള്ളപ്പോഴാണ് ബോംബ് ഭീഷണിയുണ്ടായത്. തുടർന്ന് മുഴുവൻ യാത്രക്കാരെയും ലഗേജുകളും പുറത്തിറക്കി.

വിമാനത്തിൽ ബോംബ് വെച്ചതായി ഫോൺ കാൾ ലഭിക്കുകയായിരുന്നു. തുടർന്ന് ഐസൊലേഷൻ ഏരിയയിലേക്ക് മാറ്റിയ വിമാനത്തിൽ പരിശോധനകൾ നടത്തി. മറ്റ് നടപടിക്രമങ്ങൾ പൂർത്തിയായിവരികയാണ്.