ഹൈദരാബാദ് വിമാനത്താവളത്തിൽ ബോംബ് ഭീഷണി; അന്വേഷണം ഊർജിതം

ഹൈദരാബാദ്: ഹൈദരാബാദ് ബേഗംപേട്ട് വിമാനത്താവളത്തിൽ ബോംബ് ഭീഷണി. ബുധനാഴ്ച രാവിലെയാണ് അധികൃതർക്ക് ഇ​-മെയിൽ വഴി ​വിമാനത്താവളത്തിൽ ബോംബ് ​വെച്ചതായി ഭീഷണി സന്ദേശം ലഭിച്ചത്.

വിവരം ലഭിച്ചയുടൻ ബോംബ് നിർവീര്യ സ്ക്വാഡ് സ്ഥലത്തെത്തി. വിമാനത്താവളത്തിലും പരിസരത്തും വ്യാപക പരിശോധന നടത്തി.

''ഇന്ന് രാവിലെയാണ് ബേഗം​പേട്ട് വിമാനത്താവളത്തിൽ ബോംബ് വെച്ചതായി ഭീഷണി സന്ദേശം ലഭിച്ചത്. തുടർന്ന് വിമാനത്താവളത്തിലും സമീപ പരിസരത്തും പരിശോധന നടത്തി. കൂടുതൽ വിവരങ്ങൾ കുറച്ചു കഴിഞ്ഞു പുറത്തുവരാം.''-ബെഗുംപത് എ.സി.പി വാർത്താ ഏജൻസികളോട് പറഞ്ഞു.