മണിപ്പൂരിൽ മന്ത്രിയുടെ വീടിന് സമീപം ബോംബേറ്

ഇംഫാൽ: മ​ണി​പ്പൂ​ർ ഗ്രാ​മ​വി​ക​സ​ന, പ​ഞ്ചാ​യ​ത്തീ​രാ​ജ് മ​ന്ത്രി ഖേം​ച​ന്ദ് യും​നാ​മി​ന്റെ വ​സ​തി​ക്ക് മു​ന്നി​ൽ ന​ട​ന്ന കൈ​ബോം​ബ് സ്‌​ഫോ​ട​ന​ത്തി​ൽ സി.​ആ​ർ.​പി.​എ​ഫ് ജ​വാ​ൻ ഉ​ൾ​പ്പെ​ടെ ര​ണ്ട് പേ​ർ​ക്ക് പ​രി​ക്കേ​റ്റു. ശ​നി​യാ​ഴ്‌​ച രാ​ത്രി പ​ത്തോ​ടെ ഇം​ഫാ​ൽ വെ​സ്റ്റ് ജി​ല്ല​യി​ലെ യു​മ്‌​നം ലെ​യ്‌​കാ​യി​യി​ലാ​ണ് സം​ഭ​വ​മെ​ന്ന് പൊ​ലീ​സ് അ​റി​യി​ച്ചു.

ബൈ​ക്കി​ലെ​ത്തി​യ ര​ണ്ടു​പേ​ർ എ​റി​ഞ്ഞ ബോം​ബ് മ​ന്ത്രി​യു​ടെ വ​സ​തി​യു​ടെ പ്ര​ധാ​ന ഗേ​റ്റി​ന് ഏ​താ​നും മീ​റ്റ​ർ അ​ക​ലെ വീ​ഴു​ക​യാ​യി​രു​ന്നു. സി.​ആ​ർ.​പി.​എ​ഫ് ജ​വാ​ൻ പ​ശ്ചി​മ​ബം​ഗാ​ൾ സ്വ​ദേ​ശി​യാ​യ ദി​നേ​ശ് ച​ന്ദ്ര ദാ​സി​ന് കൈ​ക്കാ​ണ് പ​രി​ക്കേ​റ്റ​ത്.

ഒ​രു സ്ത്രീ​ക്കും പ​രി​ക്കേ​റ്റു. സം​ഭ​വ​സ്ഥ​ലം സ​ന്ദ​ർ​ശി​ച്ച മു​ഖ്യ​മ​ന്ത്രി എ​ൻ. ബി​രേ​ൻ സി​ങ് ആ​ക്ര​മ​ണ​ത്തെ അ​പ​ല​പി​ച്ചു. അതിനിടെ, മു​ൻ​കൂ​ർ അ​നു​മ​തി​യി​ല്ലാ​തെ ജി​ല്ല​ക​ളു​ടെ​യും സ്ഥാ​പ​ന​ങ്ങ​ളു​ടെ​യും പേ​രു​മാ​റ്റു​ന്ന​ത് വി​ല​ക്കി മ​ണി​പ്പൂ​ർ സ​ർ​ക്കാ​ർ വി​ജ്ഞാ​പ​നം പു​റ​പ്പെ​ടു​വി​ച്ചു. ഇ​ത്ത​രം നീ​ക്കം സ​മു​ദാ​യ​ങ്ങ​ൾ​ക്കി​ട​യി​ൽ സം​ഘ​ർ​ഷം സൃ​ഷ്ടി​ക്കു​മെ​ന്നും നി​ല​വി​ലെ ക്ര​മ​സ​മാ​ധാ​ന​നി​ല വ​ഷ​ളാ​ക്കു​മെ​ന്നും സ​ർ​ക്കാ​ർ ചൂ​ണ്ടി​ക്കാ​ട്ടി.