മൂന്നു ദിവസം നീണ്ട തിര​ച്ചിലിൽ കണ്ടെത്താൻ ശ്രമിച്ചത്​ മൂന്നു കാര്യങ്ങൾ; പരിഹസിച്ച്​ തപ്​സി പന്നു

മുംബൈ: മൂന്നുദിവസം നീണ്ടുനിന്ന ആദായ നികുതി വകുപ്പ്​ റെയ്​ഡിനെ പരിഹസിച്ച്​ ബോളിവുഡ്​ താരം തപ്​സി പന്നു. സംവിധായകൻ അനുരാഗ്​ ക​ശ്യപിന്‍റെയും തപ്​സിയുടെയും വീടുകളിലും ഓഫിസുകളിലുമായിരുന്നു റെയ്​ഡ്​.

'മൂന്നുദിവസം നീണ്ടുനിന്ന തിരച്ചിലിൽ മൂന്ന്​ കാര്യങ്ങൾ കണ്ടെത്താനായിരുന്നു ശ്രമം 1. പാരീസിൽ ഞാൻ സ്വന്തമാക്കിയെന്ന്​ പറയുന്ന 'ആരോപണ വി​േധയമായ' ബംഗ്ലാവിന്‍റെ താക്കോലുകൾ. കാരണം വേനൽക്കാല അവധി ദിനങ്ങൾ അടുക്കാറായി. 2. ആരോപണവിധേയമായ അഞ്ചുകോടിയുടെ രസീതുകൾ. നേരത്തേ ഇവ ഞാൻ നിരസിക്കുകയും ഭാവിലേക്കായി മാറ്റിവെക്കുകയും ചെയ്​തിരുന്നു. 3. 2013 ലെ റെയ്​ഡിന്‍റെ ഒാർമ -ബഹുമാന്യയായ കേന്ദ്ര ധനകാര്യമന്ത്രി അത്​ വീണ്ടും ഓർമിപ്പിച്ചു'

തന്‍റെ പേരിൽ പാരീസിൽ ബംഗ്ലാവ്​ ഇല്ലെന്നും അഞ്ചുകോടി രൂപയുടെ രസീത്​ ഇ​െല്ലന്നും 2013ൽ റെയ്​ഡ്​ നടന്നിട്ടില്ലെന്നുമാണ്​ പോസ്റ്റിന്‍റെ സാരം.

മൂന്നുദിവസം നീണ്ട റെയ്​ഡിന്​ ശേഷമാണ്​ തപ്​സിയുടെ പ്രതികരണം. നികുതിവെട്ടിപ്പ്​ നടത്തിയെന്ന ആരോപണത്തെ തുടർന്നായിരുന്നു തപ്​സിയുടെയും അനുരാഗിൻറെയും വീടുകളിലും ഓഫിസുകളിലും ആദായ നികുതി വകുപ്പ്​ പരിശോധന നടത്തിയത്​. പുണെയിലും മുംബൈയിലുമായി 20ഓളം ഇടങ്ങളിലായിരുന്നു റെയ്​ഡ്​. ഇരുവരെയും ​ആദായനികുതി വകുപ്പ്​ ചോദ്യം ചെയ്യുകയും ചെയ്​തിരുന്നു.

കേന്ദ്രസർക്കാറിന്‍റെ ​തെറ്റായ നയങ്ങ​ളെ നിരന്തരം വിമർശിക്കുന്നവരാണ്​ ഇരുവരും. ആദായ നികുതി വകുപ്പി​േന്‍റത്​ പ്രതികാര നടപടിയാണെന്നായിരുന്നു പ്രതികരണങ്ങൾ. ഇതിനെതിരെ കഴിഞ്ഞദിവസം നിർമല സീതാരാമൻ പ്രതികരണവുമായി രംഗ​ത്തെത്തിയിരുന്നു. യു.പി.എ ഭരണകാലത്ത്​ 2013ൽ ഈ വ്യക്തികളുടെ വീടുകളിൽ റെയ്​ഡ്​ നടന്നിട്ടുണ്ടെന്നായിരുന്നു നിർമലയുടെ പ്രതികരണം.