യുക്രെയ്​നിൽ കൊല്ലപ്പെട്ട ഇന്ത്യൻ വിദ്യാർഥിയുടെ മൃതദേഹം ഞായറാഴ്ച നാട്ടിലെത്തിക്കും

ബംഗളൂരു: യുക്രെയ്​നിലെ ഖാർകിവിൽ റഷ്യൻ ഷെല്ലാക്രമണത്തിൽ മരിച്ച മെഡിക്കൽ വിദ്യാർഥി നവീൻ ശേഖരപ്പ ഗ്യാന ഗൗഡറുടെ (22) മൃതദേഹം ഞായറാഴ്ച നാട്ടിലെത്തിക്കും. ഞായറാഴ്ച മൃതദേഹം ബംഗളൂരു വിമാനത്താവളത്തിലെത്തുമന്ന വിവരം കർണാടക മുഖ്യമന്ത്രി ബസവരാജ്​ ബൊമ്മൈ വെള്ളിയാഴ്ച അറിയിച്ചു.

യു​ക്രെയ്നിലെ നാലാം വർഷ മെഡിക്കൽ വിദ്യാർഥിയായിരുന്ന നവീൻ കർണാടക ഹവേരി ജില്ലയിലെ ചെല​ഗെരി സ്വദേശിയാണ്​. ഖാ​ർ​കി​വ് നാ​ഷ​ന​ൽ മെ​ഡി​ക്ക​ൽ സ​ർ​വ​ക​ലാ​ശാ​ല​ വി​ദ്യാ​ർ​ഥി​യാ​യ ന​വീ​നും ക​ർ​ണാ​ട​ക​യി​ൽ​ നി​ന്നു​ള്ള മ​റ്റു വി​ദ്യാ​ർ​ഥി​ക​ളും ഖാ​ർ​കി​വി​ലെ ബ​ങ്ക​റി​ലാ​യി​രു​ന്നു ക​ഴി​ഞ്ഞി​രു​ന്ന​ത്.

ഖാ​ർ​കി​വി​ൽ​നി​ന്നും അ​തി​ർ​ത്തി​യി​ലെ​ത്തു​ന്ന​തി​നാ​യി റെ​യി​ൽ​വേ സ്റ്റേ​ഷ​നി​ലേ​ക്ക് പോ​കാ​ൻ തീ​രു​മാ​നി​ച്ചി​രു​ന്നു. ഇ​തി​ന് മു​ന്നോ​ടി​യാ​യി രാ​വി​ലെ ഭ​ക്ഷ​ണം വാ​ങ്ങാ​നും ക​റ​ൻ​സി മാ​റ്റി​വാ​ങ്ങാ​നു​മാ​ണ് ന​വീ​ൻ ബ​ങ്ക​റി​ന് പു​റ​ത്തി​റ​ങ്ങി​യ​ത്. ഭ​ക്ഷ​ണ​സാ​ധ​ന​ങ്ങ​ൾ വാ​ങ്ങു​ന്ന​തി​നാ​യി സൂ​പ്പ​ർ​മാ​ർ​ക്ക​റ്റി​നു മു​ന്നി​ൽ വ​രി​നി​ൽ​ക്കു​മ്പോ​ഴാ​ണ് ഷെ​ല്ലാ​ക്ര​മ​ണം ഉ​ണ്ടാ​യ​തെ​ന്നും ന​വീ​ന്‍റെ അ​മ്മാ​വ​നാ​യ ഉ​ജ്ജ​ന ഗൗ​ഡ പ​റ​ഞ്ഞു.

പു​റ​ത്തി​റ​ങ്ങു​മ്പോ​ൾ ഇ​ന്ത്യ​ൻ പ​താ​ക കൈ​യി​ൽ ക​രു​താ​നും ന​വീ​നോ​ട് കു​ടും​ബാം​ഗ​ങ്ങ​ൾ പ​റ​ഞ്ഞി​രു​ന്നു. ചൊ​വ്വാ​ഴ്ച രാ​വി​ലെ ന​വീ​ൻ പി​താ​വി​നെ വി​ളി​ച്ച​പ്പോ​ൾ ബ​ങ്ക​റി​ൽ ഭ​ക്ഷ​ണ​വും വെ​ള്ള​വും ഇ​ല്ലെ​ന്ന് പ​റ​ഞ്ഞി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

മ​ര​ണ​വി​വ​രം അ​റി​ഞ്ഞ് ക​ർ​ണാ​ട​ക​യി​ലെ ഹാ​വേ​രി ജി​ല്ല​യി​ലെ റാ​ണെ​ബെ​ന്നൂ​ർ താ​ലൂ​ക്കി​ലെ ച​ല​ഗേ​രി ഗ്രാ​മ​ത്തി​ലെ ന​വീ​ന്‍റെ വീ​ട്ടി​ലേ​ക്ക് നൂ​റു​ക​ണ​ക്കി​ന് പേ​രാ​ണ് എ​ത്തി​ക്കൊ​ണ്ടി​രി​ക്കു​ന്ന​ത്. പ്ര​തി​സ​ന്ധി​ക​ളെ അ​തി​ജീ​വി​ച്ച് സു​ര​ക്ഷി​ത​മാ​യി ന​വീ​ൻ നാ​ട്ടി​ലെ​ത്തു​മെ​ന്ന് കു​ടും​ബാം​ഗ​ങ്ങ​ളും നാ​ട്ടു​കാ​രും പ്ര​തീ​ക്ഷി​ച്ചി​രി​ക്കെ​യാ​ണ് സ​ങ്ക​ട​ക​ര​മാ​യ വാ​ർ​ത്ത നാ​ട​റി​യു​ന്ന​ത്. പ​ഠി​ക്കാ​ൻ ഏ​റെ മി​ടു​ക്ക​നാ​യ ന​വീ​ൻ ഡോ​ക്ട​റാ​യി തി​രി​ച്ചെ​ത്തു​ന്ന​തും കാ​ത്തി​രി​ക്കു​ക​യാ​യി​രു​ന്ന ച​ല​ഗേ​രി ഗ്രാ​മ​ത്തി​ലു​ള്ള​വ​രെ​യും മ​ര​ണ​വി​വ​രം ക​ണ്ണീ​രി​ലാ​ഴ്ത്തി.