മണിപ്പൂരിൽ എട്ട് മാസം മോർച്ചറികളിൽ സൂക്ഷിച്ച 87 കുക്കികളെ കൂട്ടത്തോടെ സംസ്‌കരിച്ചു

ചുരാചന്ദ്പൂര്‍: എട്ട് മാസത്തോളം മോര്‍ച്ചറികളില്‍ സൂക്ഷിച്ച മൃതദേഹങ്ങൾ മണിപ്പൂരിൽ കൂട്ടത്തോടെ സംസ്കരിച്ചു. വീ​ണ്ടും സം​ഘ​ർ​ഷം പൊ​ട്ടി​പ്പു​റ​പ്പെ​ട്ട​തി​നെ തു​ട​ർ​ന്ന്, മ​ണി​പ്പൂ​രി​ലെ ചു​രാ​ച​ന്ദ്പു​ർ ജി​ല്ല​യി​ൽ ര​ണ്ടു മാ​സ​ത്തേ​ക്ക് നി​രോ​ധ​നാ​ജ്ഞ പ്ര​ഖ്യാ​പി​ച്ചിരിക്കയാണ്. ഇവിടെ, നിന്നുളള കൊല്ലപ്പെട്ട 87 പേരെയാണിപ്പോൾ കൂട്ടമായി സംസ്‌കരിച്ചത്. ക്രിസ്ത്യന്‍ വിഭാഗമായ കുക്കി സോ സമുദായത്തില്‍പെട്ടവരുടെ മൃതദേഹങ്ങളാണ് എട്ട് മാസത്തോളം മോര്‍ച്ചറികളില്‍ സൂക്ഷിച്ച ശേഷം ഇന്നലെ സംസ്‌കരിച്ചത്. കലാപത്തിനിടെ ഏറ്റവും വലിയ നഷ്ടമുണ്ടായത് മണിപ്പൂർ ചുരാചന്ദ്പൂർ ജില്ലയിലാണെന്നാണ് റിപ്പോർട്ട്.

മെയ് 11 ന് കൊല്ലപ്പെട്ട ഒരു മാസം പ്രായമുള്ള കുഞ്ഞ് ബേബി ഐസക്കും എട്ട് സ്ത്രീകളും ഇക്കൂട്ടത്തിലുണ്ട്. ബാക്കിയുള്ളവർ 18 നും 87 നും ഇടയിൽ പ്രായമുള്ളവരാണെന്ന് ചുരാചന്ദ്പൂരിലെ കുക്കി-സോ സംഘടനകളുടെ ഫോറമായ ഇൻഡിജിനസ് ട്രൈബൽ ലീഡേഴ്‌സ് ഫോറം പുറത്തുവിട്ട പട്ടികയിൽ പറയുന്നു​. സംസ്കാര ചടങ്ങിന് ആയിരക്കണക്കിന് ഗ്രാമീണരും കുടുംബാംഗങ്ങളും തുയിബുവോങ്ങിലെ പീസ് ഗ്രൗണ്ടിൽ ഒത്തുകൂടി. അന്തിമ ആദരാഞ്ജലികൾ അർപ്പിച്ചു.

കര്‍ശന സുരക്ഷാ നടപടികള്‍ക്കിടയാണ് ചടങ്ങ് നടന്നതെന്നാണ് റിപ്പോർട്ട്. മേ​യ് മു​ത​ൽ വം​ശീ​യ ക​ലാ​പം തു​ട​ങ്ങി​യ മ​ണി​പ്പൂ​രി​ൽ, സം​ഘ​ർ​ഷ​ത്തി​ന് നേ​രി​യ ശ​മ​ന​മു​ണ്ടാ​കു​മ്പോ​ഴേ​ക്കും പു​തി​യ അ​ക്ര​മ​ങ്ങ​ൾ റി​പ്പോ​ർ​ട്ട് ചെ​യ്യു​ക​യാ​ണ്. തി​ങ്ക​ളാ​ഴ്ച ചു​രാ​ച​ന്ദ്പു​രി​ലെ വി​വി​ധ​യി​ട​ങ്ങ​ളി​ൽ അ​ക്ര​മ​മു​ണ്ടാ​യി. തിം​ഗ്കം​ഗ്ഫാ​യ് ഗ്രാ​മ​ത്തി​ലാ​ണ് കാ​ര്യ​മാ​യ ആ​ക്ര​മ​ണ​ങ്ങ​ളു​ണ്ടാ​യ​ത്.

ര​ണ്ടു വി​ഭാ​ഗ​ങ്ങ​ൾ ത​മ്മി​ൽ വീ​ണ്ടും ഏ​റ്റു​മു​ട്ട​ലു​ണ്ടാ​കാ​നു​ള്ള സാ​ഹ​ച​ര്യ​മു​ള്ള​തി​നാ​ലാ​ണ് നി​രോ​ധ​നാ​ജ്ഞ പ്ര​ഖ്യാ​പി​ച്ച​തെ​ന്ന് ജി​ല്ല മ​ജി​സ്ട്രേ​റ്റ് ഉ​ത്ത​ര​വി​ൽ പ​റ​ഞ്ഞു. ഇ​തി​ന് 2024 ഫെ​ബ്രു​വ​രി 18വ​രെ പ്രാ​ബ​ല്യ​മു​ണ്ടാ​കും. അ​ഞ്ചോ അ​തി​ല​ധി​ക​മോ ആ​ളു​ക​ൾ സം​ഘ​ടി​ക്കു​ന്ന​തി​നും ആ​യു​ധ​ങ്ങ​ൾ കൊ​ണ്ടു​ന​ട​ക്കു​ന്ന​തി​നും വി​ല​ക്കു​ണ്ട്. സ​മാ​ധാ​നം ഉ​റ​പ്പാ​ക്കാ​ൻ എ​ല്ലാ ന​ട​പ​ടി​ക​ളും സ്വീ​ക​രി​ച്ച​താ​യി അ​ധി​കൃ​ത​ർ അവകാശപ്പെടുന്നു.