വീട്​ 12ാം ക്ലാസ്​ പരീക്ഷ സെൻറർ; സ്​കൂൾ ജീവനക്കാരനും കൂട്ടാളികളും അറസ്​റ്റിൽ

ലഖ്​നോ: ഉത്തർപ്രദേശിൽ വീട്​ പന്ത്രണ്ടാം ക്ലാസ്​ പരീക്ഷ സ​െൻററാക്കി മാറ്റിയ സ്​കൂൾ ജീവനക്കാരനെ പൊലീസ്​ അറസ്​റ്റ് ചെയ്​തു. ഉത്തർ പ്രദേശിലെ ​12ാം ക്ലാസ്​ ബോർഡ്​ പരീക്ഷക്ക്​ കുട്ടികളെ സഹായിക്കാനായിരുന്നു തട്ടിപ്പ്​.

പൊലീസ്​ നടത്തിയ റെയ്​ഡിലാണ്​ സ്​കൂളിലെ ക്ലർക്കിനെയും കൂട്ടാളിക​ളെയും പിടികൂടിയത്​. സ്​റ്റാമ്പ്​ ചെയ്​ത ഉത്തര കടലാസുകളും ഉത്തരമെഴുതുന്നവരെയും പൊലീസ്​ കസ്​റ്റഡിയിലെടുത്തു. ഉത്തരങ്ങൾ എഴുതിയ​ ശേഷം കുട്ടികളുടെ ഉത്തര കടലാസിൽ കൂട്ടി​േച്ചർക്കാനായിരുന്നു​ പദ്ധയിയെന്ന്​ പൊലീസ്​ പറയുന്നു.

സ്വകാര്യ സ്​കൂളിൻെറ സമീപത്താണ്​ ക്ലർക്കിൻെറ വീട്​. തട്ടിപ്പ്​ തിരിച്ചറിയാതിരിക്കാനാണ്​​ ഉത്തരകടലാസുകളിൽ സ്​റ്റാമ്പ്​ പതിക്കുന്നതെന്നും പൊലീസ്​ പറയുന്നു.