'സ്​പർശനമേറ്റാൽ കടുത്ത ചൊറിച്ചിലും വേദനയും'; മുംബൈയിൽ ജെല്ലിഫിഷ്​ ആക്രമണം

മുംബൈ: വിഷമുള്ള ബ്ലൂ ​േബാട്ടിൽ ജെല്ലി ഫിഷി​​​​െൻറ ആക്രമണത്തിൽ മുംബൈ ബീച്ചിൽ നിരവധി പേർക്ക്​ പരിക്കേറ്റു. ഇവയുടെ വിഷാംശമുള്ള ഗ്രാഹികൾ ​മനുഷ്യ ശരീരത്തിൽ സ്പർശിച്ചാൽ ശക്​തമായ ചൊറിച്ചിലും മണിക്കൂറുകൾ നീണ്ട വേദനയുമുണ്ടാകും. നഗരത്തിലെ പല ബീച്ചുകളിലായി ജെല്ലിഫിഷുകൾ ദൃശ്യമായ സാഹചര്യത്തിൽ ജനങ്ങൾ പരിഭ്രാന്തിയിലാണ്​. 150ഒാളം പേർക്ക്​ ഇതുവരെ ജെല്ലി ഫിഷ്​ ആക്രമണത്തിൽ പരി​േക്കറ്റതായി റിപ്പോർട്ടുണ്ട്​.

’പോർച്ചുഗീസ്​ മാൻ ഒാഫ്​ വാർ’ എന്നറിയപ്പെടുന്ന ജെല്ലി ഫിഷ്​ അവയുടെ ഗ്രാഹികൾ ഉപയോഗിച്ചാണ്​ മത്സ്യങ്ങളെ കൊല്ലുന്നത്​. ഇത്​ മനുഷ്യരുടെ ജീവന്​ അപകടമുണ്ടാക്കില്ല. പ്രധാനമായും മഴ​ക്കാലം തുടങ്ങി പകുതിയാവു​േമ്പാഴാണ്​ മുംബൈയി​െല കടൽതീരങ്ങളിൽ ഇവ ദൃശ്യമാവുക.

‘‘ഇൗ കടൽതീരം മുഴുവൻ ജെല്ലി ഫിഷുകളാണ്​. രണ്ട്​ ദിവസമയി കുറേ പേർക്ക്​ പരിക്കേറ്റു. സ്​പർശനമേറ്റ ഭാഗത്ത്​ ചെറുനാരങ്ങ ഉരച്ച്​ പലർക്കും പ്രാഥമിക ശുശ്രൂഷ നൽകി’’യതായി ജുഹു ബീച്ചിലുള്ള കച്ചവടക്കാരൻ പറഞ്ഞു. കഴിഞ്ഞ വർഷങ്ങളെ അപേക്ഷിച്ച്​ ഇൗ വർഷം വലിയ അളവിലാണ്​ ജെല്ലിഫിഷുകൾ കാണപ്പെട്ടത്​. ബീച്ച്​ സന്ദർശനം കുറച്ച്​ ദിവസത്തേക്ക്​ നിർത്തിവെക്കാനും സമീപ വാസികൾ നിർദേശിച്ചിട്ടുണ്ട്​.