സുഖോയ്​ വിമാനദുരന്തം: ബ്ലാക്ക്​​ ബോക്​സ്​ കണ്ടെത്തി

തേസ്​പുർ: അരുണാചൽ പ്രദേശിലെ വനമേഖലയിൽ തകർന്നുവീണ വ്യോമസേനയുടെ ​സുഖോയ്​ പോർ വിമാനത്തി​​​​െൻറ ബ്ലാക്ക്​​ ബോക്​സ്​ കണ്ടെത്തി. വിമാനാവശിഷ്​ടങ്ങൾ കണ്ടെത്തി രണ്ടുദിനങ്ങൾക്കു ശേഷമാണ്​ കൊടുംവനത്തിൽ ബ്ലാക്ക്​​ ബോക്​സ്​ കണ്ടെത്തിയത്​. വിമാനത്തിലുണ്ടായിരുന്ന മലയാളി വൈമാനികൻ ഉൾപ്പെടെ രണ്ടുപേരെയും കണ്ടെത്താനായിട്ടില്ല. അസമിലെ തേസ്​പുർ​ വ്യോമ മേഖലയിൽനിന്ന്​ പരീക്ഷണപറക്കലിന്​ പറന്നുയർന്ന വിമാനം 40 മിനിറ്റു കഴിഞ്ഞാണ്​ 60 കിലോമീറ്റർ അകലെ അരുണാചൽ അതിർത്തിയിൽ തകർന്നുവീണത്​.