പ്രമോദ്​ സാവന്ത് പരീകറുടെ​ പിൻഗാമിയായേക്കും; കോൺഗ്രസ് ഗവർണറെ കണ്ടു

പനാജി: അന്തരിച്ച ഗോവ മുഖ്യമന്ത്രി മനോഹർ പരീകർക്ക്​ പിൻഗാമിയായി പ്രമോദ്​ സാവന്തിനെ ബി.ജെ.പി തെരഞ്ഞെടുക്കുമെ ന്ന് റിപ്പോർട്ട്. ഏറ്റവും വലിയ ഒറ്റകക്ഷിയായ കോൺഗ്രസ്​ സർക്കാർ രൂപീകരിക്കാനുള്ള അവകാശവാദങ്ങൾ ഉന്നയിച്ച് ഗവർ ണറെ സന്ദർശിച്ചതോടെ​ ഇന്ന് വൈകുന്നേരം തന്നെ സത്യപ്രതിഞ്ജയുണ്ടാകും. പരീകറുടെ മരണ വാർത്ത അറിഞ്ഞ ഉടൻ ഗോവയിലെത്ത ിയ കേന്ദ്രമന്ത്രി നിതിൻ ഗഡ്​കരി രാത്രി മുഴുവൻ സഖ്യകക്ഷികളുമായി ചർച്ചകൾ നടത്തിയിരുന്നു. വിശ്വജിത്​ റാണെയെയും പ്രമോദ്​ സാവന്തിനെയുമാണ്​ ബി.ജെ.പി എം.എൽ.എമാർ നിർദേശിച്ചത്​.

പരീകറി​​​െൻറ മരണത്തോടെ ഗോവയിൽ ബി.ജെ.പി സഖ്യം ഇല്ലാതായെന്നും കേവല ഭൂരിപക്ഷമുള്ള ഒറ്റകക്ഷി കോൺഗ്രസ്​ മാത്രമായതിനാൽ സർക്കാർ രൂപീകരിക്കാൻ ക്ഷണിക്കണ​മെന്നും ആവശ്യപ്പെട്ട്​ ഗവർണറെ​ കോ​ൺഗ്രസ്​ സന്ദർശിച്ചു. ബി.ജെ.പി സഖ്യ സർക്കാറിലെ ഫ്രാൻസിസ്​ ഡിസൂസയുടെ മരണവും രണ്ട്​ കോൺഗ്രസ്​ എം.എൽ.എമാരുടെ രാജിയും മൂലം 40 അംഗങ്ങളായിരുന്ന ഗോവ നിയമ സഭ 37ലേക്ക്​ ചുരുങ്ങിയിരുന്നു. അതിൽ 14 എം.എൽ.എമാർ കോൺഗ്രസിനും 13 പേർ ബി.ജെ.പിക്കും ഒപ്പമാണുള്ളത്​.

കേവല ഭൂരിപക്ഷമില്ലാതിരുന്നിട്ടും ചെറുകക്ഷികളെ കൂട്ടുപിടിച്ചാണ്​ ബി.ജെ.പി സർക്കാർ രൂപീകരിച്ചിരുന്നത്​. മനോഹർ പരീകർ എന്ന ജനകീയ നേതാവ്​ മുഖ്യമന്ത്രിയാവുമെങ്കിൽ പിന്തുണക്കാ​മെന്നായിരുന്നു പാർട്ടികളുടെ വാഗ്​ദാനം. അതുപ്രകാരം കേന്ദ്ര പ്രതിരോധ മന്ത്രിയായിരുന്ന പരീകറെ രാജിവെപ്പിച്ച്​ മുഖ്യമന്ത്രി സ്​ഥാനം നൽകിയായിരുന്നു ബി.ജെ.പി ഗോവയിൽ സർക്കാർ രൂപീകരിച്ചത്​. അതിനിടെ കർണ്ണാടകയിലെ കലബുറഗീയിൽ പൊതുയോഗത്തിൽ രാഹുൽ ഗാന്ധിയും പാർട്ടി നേതാക്കളും രണ്ടു മിനിറ്റ് നിശ്ശബ്ദത പാലിച്ച് പരീക്കർക്ക് ആദരാഞ്ജലി അർപ്പിച്ചു.