You are here

ബി.ജെ.പിയെ പ്രതിപക്ഷത്ത്​ ഇരുത്തുന്നത്​ അഹങ്കാരം; ഇനി ബന്ധമില്ലെന്ന്​ സഞ്​ജയ്​ റാവുത്ത്​ 

10:42 AM
11/11/2019

മുബൈ: മഹാരാഷ്​ട്രയിൽ സർക്കാർ രൂപീകരിക്കുന്നതിൽ നിന്ന്​ ബി.ജെ.പി പിൻമാറിയത്​ അഹങ്കാരം കൊണ്ടാണെന്ന്​ ശിവസേന വക്താവ്​ സഞ്​ജയ്​ റാവുത്ത്​. ബി.ജെ.പി മഹാരാഷ്​ട്രയിലെ ജനങ്ങളെ അപമാനിക്കുകയാണ്​ ചെയ്​തത്​. അവർ പ്രതിപക്ഷത്ത്​ ഇരിക്കുമെന്ന്​ പറയുന്നു. പ്രതിപക്ഷത്ത്​ ഇരിക്കേണ്ടി വന്നാലും തെരഞ്ഞെടുപ്പിന്​ മുമ്പ്​ അവർ അംഗീകരിച്ച 50:50 എന്ന സഖ്യ സമവാക്യം പാലിക്കാൻ തയാറല്ല എന്ന നിലപാടിലാണെന്നും സഞ്​ജയ്​ റാവുത്ത്​ വിമർശിച്ചു. 

സഖ്യകക്ഷിക്ക്​ നൽകിയ ഉറപ്പ്​ പാലിക്കാത്ത പക്ഷം സേനക്ക്​ ബി.ജെ.പിയുമായി ഒരു ബന്ധവുമില്ല. എൻ.ഡി.എയിൽ നിന്നും ഔദ്യോഗികമായ പിരിയൽ മാത്രമാണ്​ ബാക്കിയുള്ളത്​. കേന്ദ്രമന്ത്രി സ്ഥാനമുള്ള ശിവസേനാംഗം അരവിന്ദ്​ സാവന്ത്​ രാജി പ്രഖ്യാപിച്ചു കഴിഞ്ഞു. ബി.ജെ.പിക്ക്​ ഇനി സ്വന്തം താൽപര്യപ്രകാരം എന്തും ചെയ്യാമെന്നും സഞ്​ജയ്​ റാവുത്ത്​ കൂട്ടിച്ചേർത്തു. 

എൻ.സി.പിയുമായി ചർച്ചകൾ നടക്കുകയാണ്​. പൊതു മിനിമം പരിപാടിയിൽ  ഉൗന്നി സർക്കാർ രൂപീകരിക്കണമെന്നാണ്​​ ശരദ്​ പവാറി​​െൻറ നിലപാട്​. സർക്കാറിനായി​ ഇരു കക്ഷികള​ും തമ്മിലുള്ള അഭിപ്രായവ്യത്യാസങ്ങൾ മറന്നുകൊണ്ട്​ മുന്നോട്ട്​ പോകാനാണ്​ നേതാക്കൾ താൽപര്യപ്പെടുന്നതെന്നും സഞ്​ജയ്​ റാവുത്ത്​ പറഞ്ഞു. 

Loading...
COMMENTS