കോൺഗ്രസ്​ വിട്ട്​ ബി.ജെ.പിയി​െലത്തിയ അൽപേഷ്​ ഠാക്കൂർ തോറ്റു

അഹമ്മദാബാദ്​: കോൺഗ്രസ്​ വിട്ട്​ ബി.ജെ.പിയിലേക്ക്​ ചേക്കേറിയ ഒ.ബി.സി നേതാവ്​ അൽപേഷ്​ ഠാക്കൂർ ഗുജറാത്ത്​ നിയമസ ഭ ഉപതെരഞ്ഞെടുപ്പിൽ തോറ്റു. കോൺഗ്രസിലെ​ രഘു ദേശായിയോടാണ്​ തോറ്റത്​.

കോൺഗ്രസ്​ ടിക്കറ്റിൽ മത്സരിച്ച്​ അൽപേഷ് വിജയിച്ച രധൻപൂർ മണ്ഡലത്തിൽ നിന്ന്​ ബി.ജെ.പി ടിക്കറ്റിൽ മത്സരിച്ചപ്പോഴാണ്​ പരാജയപ്പെട്ടത്​. ഈ മണ്ഡലത്തിൽ ഔദ്യോഗിക ഫലപ്രഖ്യാപനം വരുന്നേയുള്ളൂ. ഒടുവിൽ വിവരം ലഭിക്ക​ുമ്പോൾ കോൺഗ്രസ്​ സ്ഥാനാർഥി ഇവിടെ 9161 വോട്ടുകൾക്ക്​ മുന്നിലാണ്​.

അൽപേഷ്​ ഠാക്കൂറിനൊപ്പം കോൺഗ്രസിൽ നിന്ന്​ രാജിവെച്ച ധവൽ സിങ് ചലയും രണ്ടായിരത്തിലധികം വോട്ടി​ന്​ പിന്നിലാണ്​. ബയാദ്​ മണ്ഡലത്തിൽ നിന്നാണ്​ ധവൽ സിങ്​ ജനവിധി തേടുന്നത്​. കോൺഗ്രസ്​ സ്ഥാനാർഥി ജാഷു പ​ട്ടേലാണ് ഈ സീറ്റിൽ​ മുന്നിട്ടു നിൽക്കുന്നത്​. ഠാക്കൂർ സമുദായത്തിൽ നിന്നുള്ള എം.എൽ.എയായിരുന്നു ധവൽ സിങ്​.