ബി.​ജെ.​പി​ പ്ര​വ​ർ​ത്തി​ക്കു​ന്നത് രണ്ട്​ ശതമാനം ഹി​ന്ദു​ക്ക​ൾ​ക്കായി മാ​ത്രം; എ​ല്ലാ ഹി​ന്ദു​ക്ക​ളെ​യും ഉ​ൾ​ക്കൊ​ള്ളാ​ൻ ബി.​ജെ.​പിക്ക്​ സാ​ധി​ക്കി​ല്ല –കനിമൊഴി

നാ​ഗ​ർ​കോ​വി​ൽ: രാ​ജ്യ​ത്തെ പി​ന്നാ​ക്ക​ക്കാ​രു​​ൾ​പ്പെ​ടു​ന്ന എ​ല്ലാ വി​ഭാ​ഗം ഹി​ന്ദു​ക്ക​ളു​ടെ​യും സം​ര​ക്ഷ​ക​രാ​കാ​ൻ ബി.​ജെ.​പി​ക്ക്​ ക​ഴി​യില്ലെന്ന്​ ഡി.​എം.​കെ നേ​താ​വ്​ ക​നി​മൊ​ഴി എം.​പി. ര​ണ്ടു ശ​ത​മാ​ന​മു​ള്ള ഒ​രു വി​ഭാ​ഗം ഹി​ന്ദു​ക്ക​ൾ​ക്കാ​യി മാ​ത്രം പ്ര​വ​ർ​ത്തി​ക്കു​ന്ന ബി.​ജെ.​പി​ക്ക്​ ഒ​രി​ക്ക​ലും എ​ല്ലാ വി​ഭാ​ഗം ഹി​ന്ദു​ക്ക​ളെ​യും ഉ​ൾ​ക്കൊ​ള്ളാ​ൻ സാ​ധി​ക്കി​ല്ല. എ​ന്നാ​ൽ, ഡി.​എം.​കെ അ​വ​ഗ​ണി​ക്ക​പ്പെ​ടു​ന്ന ഹി​ന്ദു​ക്ക​ളു​ടെ ഉ​ന്ന​മ​ന​ത്തി​നാ​യാ​ണ് ഇ​ത്ര​യും കാ​ലം പ്ര​വ​ർ​ത്തി​ച്ച​ത് -നാ​ഗ​ർ​കോ​വി​ലി​ൽ ഡി.​എം.​കെ സം​ഘ​ടി​പ്പി​ച്ച യോ​ഗ​ത്തി​ൽ കനിമൊഴി പറഞ്ഞു.

ത​മി​ഴ് ജ​ന​ത​ക്കെ​തി​രെ കൊ​ണ്ടു​വ​രു​ന്ന എ​ല്ലാ കേ​ന്ദ്ര​പ​ദ്ധ​തി​ക​ളെ​യും ഇ​രു​കൈ​യും നീ​ട്ടി സ്വീ​ക​രി​ക്കു​ക​യും ന​ട​പ്പാ​ക്കു​ക​യും ചെ​യ്യു​ന്ന നി​ല​പാ​ടാ​ണ് ത​മി​ഴ്നാ​ട് മു​ഖ്യ​മ​ന്ത്രി​ക്കു​ള്ള​ത്​. സ്​​ത്രീ​ക​ൾ​ക്ക് സ്വ​ത​ന്ത്ര​മാ​യി ക​ഴി​യാ​ൻ പ​റ്റാ​ത്ത സം​സ്ഥാ​ന​മാ​യി ത​മി​ഴ്നാ​ട് മാ​റി​യി​രി​ക്കു​ക​യാ​ണ്. പൊ​ള്ളാ​ച്ചി സം​ഭ​വ​ങ്ങ​ൾ ആ​വ​ർ​ത്തി​ക്കു​മ്പോ​ൾ സ​ർ​ക്കാ​ർ മൗ​ന​ത്തി​ലാ​ണ്. ​ക​ർ​ഷ​ക​നി​യ​മം ന​ട​പ്പാ​യാ​ൽ റേ​ഷ​ൻ ക​ട​ക​ൾ വ​ഴി​യു​ള്ള പൊ​തു​വി​ത​ര​ണം നി​ല​ക്കും. പാ​ച​ക​വാ​ത​ക വി​ല ദി​നം​പ്ര​തി വ​ർ​ധി​ക്കു​ന്ന​ത്​ ജ​ന​ജീ​വി​തം ദു​സ്സ​ഹ​മാ​ക്കു​മെ​ന്നും അ​വ​ർ പ​റ​ഞ്ഞു.

സു​രേ​ഷ്​ രാ​ജ​ൻ എം.​എ​ൽ.​എ അ​ധ്യ​ക്ഷ​ത​വ​ഹി​ച്ചു. എ​സ്. ആ​സ്​​റ്റി​ൻ എം.​എ​ൽ.​എ, അ​ഡ്വ. മ​ഹേ​ഷ്, മു​ൻ എം.​പി ഹെ​ല​ൻ ഡേ​വി​ഡ്സ​ൺ തു​ട​ങ്ങി​യ​വ​ർ സം​സാ​രി​ച്ചു.