കശ്​മീരിൽ ബി.ജെ.പി പ്രവർത്തകനെ തീവ്രവാദികൾ തട്ടികൊണ്ടുപോയി കൊന്നു

പുൽവാമ: ജമ്മുകശ്​മീരിൽ ബി.ജെ.പി പ്രവർത്തകനെ തീവ്രവാദികൾ തട്ടികൊണ്ടുപോയി വെടിവെച്ചു കൊലപ്പെടുത്തി. ബുധനാഴ്​ച പുലർച്ചെ പുൽവാമ ജില്ലയിലെ രഖേലിറ്റർ ഏരിയയിലാണ്​  സംഭവം. ബി.ജെ.പി പ്രവർത്തകനായ സാബിർ അഹമ്മദ്​ ഭട്ടാണ്​ കൊല്ലപ്പെട്ടത്​. ചൊവ്വാഴ്​ച വൈകിട്ടാണ്​ അഹമ്മദ്​ ഭട്ടിനെ തീവ്രവാദികൾ തട്ടികൊണ്ടുപോയത്​. പൊലീസ് ഇയാൾക്ക്​ വേണ്ടിയുള്ള തെരച്ചിൽ തുടരുന്നതിനിടെയാണ്​ പുലർച്ചെ മൃതദേഹം കണ്ടെത്തിയത്​. 

ജമ്മുവിൽ മുനിസിപ്പൽ/ പഞ്ചായത്ത്​ തെര​ഞ്ഞെടുപ്പ്​ പ്രഖ്യാപിച്ചശേഷം ആദ്യമായാണ്​ ​തീവ്രവാദികൾ പൊതുപ്രവർത്തകനെ തട്ടികൊണ്ടുപോയി കൊലപ്പെടുത്തുന്നത്​.