ബംഗാളിൽ ബി.ജെ.പി പ്രവർത്തകൻ മരിച്ച നിലയിൽ; കൊലപാതകമെന്ന്​ പാർട്ടി

കൊൽക്കത്ത: തെരഞ്ഞെടുപ്പുമായി ബന്ധപ്പെട്ട്​ ആക്രമണങ്ങൾ നടന്ന പശ്​ചിമ ബംഗാളിൽ ബി.ജെ.പി പ്രവർത്തകൻെറ മരണം​ പു തിയ വിവാദത്തിലേക്ക്​. ബി.ജെ.പി യുവജന പ്രസ്​ഥാനത്തിൻെറ പ്രവർത്തകൻ ശിശുപാൽ സാഹിസിനെയാണ്​ പടിഞ്ഞാറൻ ബംഗാളിലെ പു രുലിയയിൽ മരിച്ച നിലയിൽ കണ്ടെത്തിയത്​. സേനബനാ ഗ്രാമത്തിൽ ഇന്ന്​ രാവിലെയാണ്​ മരത്തിൽ തൂങ്ങി മരിച്ച നിലയിൽ ശിശുപാൽ സാഹിസിൻെറ മൃതദേഹം കണ്ടെത്തിയത്​. പ്രവർത്തകനെ തൃണമൂൽ കോൺഗ്രസ്​ കൊന്നതാണെന്നാണ്​ ബി.ജെ.പിയ​ുടെ ആരോപണം.

ശിശുപാലിനെ കൊന്നതാണെന്നും ഭരണകക്ഷിയായ തൃണമൂൽ കോൺഗ്രസിൻെറ ഗുണ്ടകളാണ്​ കൊലപാതകത്തിന്​ പിന്നിലെന്നും ബി.ജെ.പി ആരോപിച്ചു. സംഭവത്തിൽ പൊലീസ്​ അന്വേഷണം ആരംഭിച്ചു. കൊലപാതക​മാണോ ആത്​മഹത്യയാണോ എന്നകാര്യമാണ്​ പൊലീസ്​ അന്വേഷിക്കുന്നത്​.

ശിശുപാലിൻെറ പിതാവ്​ ബി.ജെ.പി ഭരിക്കുന്ന ശിർക്കാബാദ്​ ഗ്രാമ പഞ്ചായത്തിൻെറ ഉപപ്രധാനാണ്​. പുരുലിയയിൽ മെയ്​ 12നാണ്​ തെരഞ്ഞെടുപ്പ് നടക്കുന്നത്​. ആറ്​ ഘട്ടമായാണ്​ പശ്​ചിമ ബംഗാളിൽ തെരഞ്ഞെടുപ്പ്​ നടക്കുന്നത്​. ഇന്ന്​ മൂന്ന്​ സീറ്റുകളിലേക്ക്​ വോ​ട്ടെടുപ്പ്​ നടക്കുന്നുണ്ട്​​. ഇന്ന്​ പോളിങ്ങിനെ വ്യാപക അക്രമം അരങ്ങേറിയിരുന്നു.