ബി.ജെ.പിയുടെ വെബ്സൈറ്റ് ഹാക്ക് ചെയ്തു

ന്യൂഡൽഹി: ചൊവ്വാഴ്​ച രാവിലെ ബി.ജെ.പി വെബ്​സൈറ്റ്​ തുറന്നവർ നരേന്ദ്ര മോദിയെക്കുറിച്ചുള്ള പരിഹാസചിത്രം കണ്ട ്​ അമ്പരന്നു. ജർമൻ ചാൻസലർ അംഗല മെർകൽ പ്രധാനമന്ത്രി മോദിയെ മറികടന്നുപോകു​േമ്പാൾ അവർ കൈ തരുമെന്ന്​ കരുതി മോദ ി കൈനീട്ടുന്ന ചിത്രമായിരുന്നു ബി.ജെ.പി വെബ്​​ൈസറ്റിൽ പ്രത്യക്ഷപ്പെട്ടത്​. സ്വന്തം വെബ്​സൈറ്റ്​ ഹാക്ക്​ ചെയ്​ തത്​ പാർട്ടിയു​െട രാഷ്​ട്രീയ എതിരാളികൾ സമൂഹമാധ്യമങ്ങളിൽ ചർച്ചയാക്കിയതിനിടെ ബി.ജെ.പി അത്​ അടച്ചുപൂട്ടി.

‘ ‘സ​േഹാദരീ സഹോദരന്മാരേ, ഞാൻ നിങ്ങളെയെല്ലാം വിഡ്​ഢികളാക്കി. കൂടുതലാളുകൾ ഇനിയും വരണം. അഭിനന്ദനങ്ങൾ’’ എന്ന്​ മോദിയെക്കുറിച്ചുള്ള പരിഹാസചിത്രത്തിന്​ തൊട്ടുമുകളിലായി തലവാചകമായി ഹാക്കർമാർ എഴുതിച്ചേർക്കുകയും ചെയ്​തു. അതേസമയം, കിട്ടിയ അവസരം കോൺഗ്രസി​​െൻറ ​െഎ.ടി വിഭാഗം ഉപയോഗപ്പെടുത്തുകയും ചെയ്​തു. ‘‘നിങ്ങളിപ്പോൾ ബി.ജെ.പി വെബ്​സൈറ്റ്​ ​േനാക്കിയില്ലെങ്കിൽ നിങ്ങൾക്ക്​ നഷ്​ടമായിരിക്കും’’ എന്ന്​ കോൺഗ്രസി​​െൻറ സമൂഹമാധ്യമ വിഭാഗം മേധാവി ദിവ്യ സ്​പന്ദന ട്വീറ്റ്​ ചെയ്​തു.

ഹാക്ക്​ ചെയ്​ത വിവരം ബി.ജെ.പി ട്വിറ്റർ അടക്കമുള്ള സമൂഹമാധ്യമങ്ങളിലൊന്നും അറിയിച്ചില്ല. ഛത്തിസ്​ഗഢ്​ ബി.ജെ.പിയുടെ ഒൗദ്യോഗിക വെബ്​സൈറ്റ്​ ഹാക്ക്​ ചെയ്​ത്​ പാകിസ്​താനി പതാക പോസ്​റ്റ്​ ചെയ്​ത്​ ഒരു മാസത്തിനകമാണ്​ ബി.ജെ.പിയുടെ ദേശീയ വെബ്​സൈറ്റും ഹാക്ക്​ ചെയ്യുന്നത്​. ഡിജിറ്റൽ സാ​േങ്കതികവിദ്യയിൽ മികച്ചുനിൽക്കുന്ന ബി.ജെ.പിയുടെ ഒൗദ്യോഗിക വെബ്​സൈറ്റ്​ ചൊവ്വാഴ്​ച വൈകുംവരെയും പൂർവ സ്​ഥിതിയിലാക്കാൻ ബി.ജെ.പിക്ക്​ കഴിഞ്ഞില്ല. ചൊവ്വാഴ്​ച വൈകുന്നേരവും വെബ്​സൈറ്റ്​ തുറക്കു​േമ്പാൾ അറ്റകുറ്റപ്പണികൾ നടന്നുകൊണ്ടിരിക്കുകയാണ്​, ഉടൻ തിരിച്ചുവരും എന്ന സന്ദേശമാണ്​ കാണിക്കുന്നത്​.