Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഎംപിയുടെ ആത്മഹത്യ...

എംപിയുടെ ആത്മഹത്യ കുറിപ്പിൽ ബി.ജെ.പി നേതാവിന്‍റെ പേര്​; നിരന്തരം ഭീഷണിപ്പെടുത്തിയിരുന്നതായി കോൺഗ്രസ്​

text_fields
bookmark_border
BJP Under Lens After Ex-MLA Named
cancel

മുംബൈ: ദാദ്ര, നാഗർ ഹവേലി എംപി മോഹൻഭായ് ദൽകറെ തെക്കൻ മുംബൈയിലെ ഹോട്ടലിൽ മരിച്ച നിലയിൽ കണ്ടെത്തിയ സംഭവത്തിൽ വഴിത്തിരിവ്​. മറൈൻ ഡ്രൈവിലെ ഹോട്ടലിൽ നിന്നാണ്​ ദൽകറുടെ മൃതദേഹം കണ്ടെത്തിയത്​. അവിടെ നിന്ന്​ ഗുജറാത്തിയിൽ എഴുതിയ ആത്മഹത്യാക്കുറിപ്പും കണ്ടെത്തിയിരുന്നു. കേന്ദ്ര ഭരണപ്രദേശമായ ദാദ്ര, നാഗർ ഹവേലിയിലെ ഉന്നത ഉദ്യോഗസ്ഥനും മുൻ ബിജെപി എം‌എൽ‌എയുമകയ പ്രഫുൽ പട്ടേലിന്‍റെ പേരാണ്​ ആത്മഹത്യാ കുറിപ്പിൽ പരാമർശിച്ചിട്ടുള്ളത്​.


എം.പി എന്ന നിലയിലുള്ള പ്രവർത്തനങ്ങളിൽ തനിക്ക് നേരിട്ട പ്രതിബന്ധങ്ങളും നിരന്തരമായ അപമാനവും ദെൽക്കറെ വല്ലാതെ വേദനിപ്പിച്ചിരുന്നുവെന്ന്​ മഹാരാഷ്ട്ര കോൺഗ്രസ് നേതാവ്​ സച്ചിൻ സാവന്ത് പറഞ്ഞു. 2019ലെ ലോക്‌സഭാ തെരഞ്ഞെടുപ്പിൽ വിജയിച്ചതിന്​ശേഷമുള്ള പ്രവർത്തനങ്ങളിൽ ഡൽഹിയിൽ നിന്ന്​ തനിക്ക്​ നീതി ലഭിക്കുന്നില്ലെന്ന്​ മോഹൻ ദെൽക്കർ പറഞ്ഞിരുന്നതായി സച്ചിൻ സാവന്ത് പറയുന്നു.


2020ൽ എം‌പി സ്ഥാനത്ത് നിന്ന് രാജിവച്ച്​ പുറത്തിറക്കിയ വീഡിയോയിൽ ദെൽക്കർ തന്നെയും അനുയായികളെയും എങ്ങനെയാണ് വ്യാജ കേസുകളിൽ ഉൾപ്പെടുത്തുന്നത് എന്ന് വിശദീകരിച്ചിരുന്നു. നിലവിൽ ദാദ്ര, നഗർ ഹവേലി, ദാമൻ, ഡിയു എന്നിവയുടെ അഡ്മിനിസ്ട്രേറ്ററായി പ്രവർത്തിക്കുന്നയാളാണ്​ ആരോപണം നേരിടുന്ന പ്രഫുൽ പട്ടേൽ. എം.പിയുടെ ആത്മഹത്യക്ക്​ ബിജെപിയുമായി ബന്ധമുണ്ടോ എന്ന് അന്വേഷിക്കാൻ മഹാരാഷ്ട്ര ആഭ്യന്തരമന്ത്രി അനിൽ ദേശ്മുഖിനോട് കോൺഗ്രസ് ആവശ്യപ്പെട്ടു. ഇക്കാര്യത്തിൽ സമഗ്രമായ അന്വേഷണം നടത്തുമെന്നും ദെൽക്കറിന് നീതി ലഭ്യമാക്കുമെന്നും മഹാരാഷ്​ട്ര ആഭ്യന്തര മന്ത്രി അനിൽ ദേശ്​മുഖ്​​ പറഞ്ഞു.


ഭാരതീയ നവശക്തി പാർട്ടിയിൽ അംഗമായ മോഹൻഭായ് ദൽകർ 2019ൽ ഏഴാം തവണയാണ്​ ലോക്സഭയിലേക്ക് തിരഞ്ഞെടുക്കപ്പെട്ടത്​. സിൽവാസയിൽ ജനിച്ച ദെൽകർ കർഷകനായിരുന്നു. അദ്ദേഹത്തിന്‍റെ അവസാന ട്വീറ്റ് 2020 ഒക്ടോബർ 22നായിരുന്നു. ദൽകർ പാർലമെന്‍റിന്‍റെ സ്​ഥിരംസമിതികളിലും അംഗമായിരുന്നിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:suicideMumbai NewsMohanbhai DelkarBJP
Next Story