കുരുക്കാൻ ബി.ജെ.പി; പൊരിക്കാൻ മഹുവ

ന്യൂ​ഡ​ൽ​ഹി: ചോ​ദ്യ​ക്കോ​ഴ സം​ബ​ന്ധി​ച്ച പ​രാ​തി​യി​ൽ തൃ​ണ​മൂ​ൽ കോ​ൺ​ഗ്ര​സ്​ എം.​പി മ​ഹു​വ മൊ​യ്​​ത്ര വ്യാ​ഴാ​ഴ്ച ലോ​ക്സ​ഭ​യു​ടെ എ​ത്തി​ക്സ്​ ക​മ്മി​റ്റി മു​മ്പാ​കെ​യെ​ത്തി വി​ശ​ദീ​ക​ര​ണം ന​ൽ​കും. വ്യാ​ഴാ​ഴ്ച നി​ർ​ബ​ന്ധ​മാ​യും ഹാ​ജ​രാ​ക​ണ​മെ​ന്ന ക​മ്മി​റ്റി ചെ​യ​ർ​മാ​ന്‍റെ നി​ർ​ദേ​ശ​ത്തി​ന്​ വ​ഴ​ങ്ങി​യാ​ണി​ത്. അ​തേ​സ​മ​യം, പാ​ർ​ല​മെ​ന്‍റ്​ സ​മി​തി ന​ട​പ​ടി​ക​ളു​ടെ ഭാ​ഗ​മാ​യി ത​നി​ക്ക്​ സ​മ​ൻ​സ്​ അ​യ​ച്ച​തി​ന്‍റെ വി​ശ​ദാം​ശ​ങ്ങ​ൾ ചെ​യ​ർ​മാ​ൻ മാ​ധ്യ​മ​ങ്ങ​ൾ​ക്കു​ ന​ൽ​കി​യ​ത്​ അ​നു​ചി​ത​മാ​ണെ​ന്ന വി​ശ​ദീ​ക​ര​ണ​ത്തോ​ടെ, നേ​ര​ത്തേ ചെ​യ​ർ​മാ​ന്​ താ​ൻ ന​ൽ​കി​യ ക​ത്തി​ന്‍റെ പ​ക​ർ​പ്പ്​ മ​ഹു​വ മൊ​യ്​​ത്ര പു​റ​ത്തു​വി​ട്ടു.

ന​വം​ബ​ർ ര​ണ്ടി​ന്​ നി​ർ​ബ​ന്ധ​മാ​യും ഹാ​ജ​രാ​യി​ല്ലെ​ങ്കി​ൽ ഭ​വി​ഷ്യ​ത്ത്​ നേ​രി​ടേ​ണ്ടി​വ​രു​മെ​ന്ന്​ സൂ​ചി​പ്പി​ച്ച്​ മ​ഹു​വ​ക്ക്​ ന​ൽ​കി​യ ക​ത്തി​ന്‍റെ വി​ശ​ദാം​ശ​ങ്ങ​ളാ​ണ്​ എ​ത്തി​ക്സ്​ ക​മ്മി​റ്റി ചെ​യ​ർ​മാ​ൻ മാ​ധ്യ​മ​ങ്ങ​ൾ​ക്കു ന​ൽ​കി​യ​ത്. ചോ​ദ്യ​ക്കോ​ഴ സം​ബ​ന്ധി​ച്ച പ​രാ​തി​യി​ൽ ക​ഴ​മ്പി​ല്ലെ​ന്ന്​ സ​മി​തി​യെ ബോ​ധ്യ​പ്പെ​ടു​ത്തു​മെ​ന്ന്​ മ​ഹു​വ മൊ​യ്​​ത്ര പ​റ​ഞ്ഞു. ചോ​ദ്യ​ക്കോ​ഴ സം​ബ​ന്ധി​ച്ച പ​രാ​തി ക്രി​മി​ന​ൽ നി​യ​മ​ങ്ങ​ളു​ടെ പ​രി​ധി​യി​ൽ വ​രു​ന്ന​താ​ണ്. അ​ത്​ പ​രി​ശോ​ധി​ക്കേ​ണ്ട​ത്​ നി​യ​മ​പ​ര​മാ​യി ചു​മ​ത​ല​പ്പെ​ട്ട​വ​രാ​ണ്, പാ​ർ​ല​മെ​ന്‍റ്​ സ​മി​തി​യ​ല്ല. കോ​ഴ ന​ൽ​കി​യെ​ന്നു​ പ​റ​ഞ്ഞ വ്യ​വ​സാ​യി ദ​ർ​ശ​ൻ ഹീ​രാ​ന​ന്ദാ​നി, അ​ഭി​ഭാ​ഷ​ക​ൻ ജ​യ്​ ആ​ന​ന്ദ്​ എ​ന്നി​വ​രെ ക്രോ​സ്​​വി​സ്താ​രം ചെ​യ്യാ​ൻ ത​നി​ക്ക്​ അ​വ​സ​രം ന​ൽ​ക​ണ​മെ​ന്നും മ​ഹു​വ ആ​വ​ശ്യ​പ്പെ​ട്ടു.

ചോ​ദ്യ​ക്കോ​ഴ​ക്ക്​ ഇ​രു​വ​രും രേ​ഖാ​പ​ര​മാ​യ തെ​ളി​വ്​ ന​ൽ​ക​ണം -മ​ഹു​വ പ​റ​ഞ്ഞു. ലോ​ക്സ​ഭ വെ​ബ്​​സൈ​റ്റി​ലെ മ​ഹു​വ മൊ​യ്​​ത്ര​യു​ടെ അ​ക്കൗ​ണ്ടി​ൽ ദു​ബൈ​യി​ൽ​നി​ന്ന്​ 47 ത​വ​ണ ലോ​ഗി​ൻ ചെ​യ്തു​വെ​ന്ന്​ ചി​ല കേ​ന്ദ്ര​ങ്ങ​ളി​ൽ​നി​ന്ന്​ പ്ര​ചാ​ര​ണം ഉ​യ​ർ​ന്നി​ട്ടു​ണ്ട്. മ​ഹു​വ​യു​ടെ ഐ​ഡി​യും പാ​സ്​​വേ​ഡും ഉ​പ​യോ​ഗി​ച്ച്​ വെ​ബ്​​സൈ​റ്റി​ൽ ക​യ​റി ചോ​ദ്യ​ങ്ങ​ൾ ഉ​ന്ന​യി​ച്ചു​വെ​ന്ന്​ എ​ത്തി​ക്സ്​ ക​മ്മി​റ്റി​ക്ക്​ സ​ത്യ​വാ​ങ്​​മൂ​ലം ന​ൽ​കി​യ വ്യ​വ​സാ​യി ദ​ർ​ശ​ൻ ഹീ​രാ​ന​ന്ദാ​നി ദു​ബൈ​യി​ലാ​ണ്. 47 ത​വ​ണ ദു​ബൈ​യി​ൽ​നി​ന്ന്​ ലോ​ഗി​ൻ ചെ​യ്തി​ട്ടു​ണ്ടെ​ന്ന്​ പ​റ​യു​ന്ന​ത്​ ശ​രി​യാ​ണെ​ങ്കി​ൽ മ​ഹു​വ​ക്കെ​തി​രെ എ​ല്ലാ എം.​പി​മാ​രും നി​ല​പാ​ട്​ സ്വീ​ക​രി​ക്ക​ണ​മെ​ന്ന്​ പ​രാ​തി​ക്കാ​ര​നാ​യ ബി.​ജെ.​പി എം.​പി നി​ഷി​കാ​ന്ത്​ ദു​ബെ പ്ര​തി​ക​രി​ച്ചു.