ഗുജറാത്ത് തെരഞ്ഞെടുപ്പിന് വിവാദം കത്തിച്ച് ബി.ജെ.പി

ന്യൂഡൽഹി: ഗുജറാത്ത് നിയമസഭ തെരഞ്ഞെടുപ്പ് നവംബറിൽ നടന്നേക്കുമെന്ന സൂചനകൾക്കിടയിൽ 2002ലെ വംശഹത്യ വീണ്ടും രാഷ്ട്രീയ വിവാദത്തിലേക്ക്.

സോണിയ ഗാന്ധിയുടെ രാഷ്ട്രീയകാര്യ സെക്രട്ടറിയായിരുന്ന അഹ്മദ് പട്ടേലായിരുന്നു ടീസ്റ്റ സെറ്റൽവാദിന്റെ മോദിക്കെതിരായ നീക്കത്തിന് പിന്നിലെന്ന് ചൂണ്ടിക്കാട്ടി അഹ്മദാബാദ് കോടതിയിൽ ഗുജറാത്ത് പൊലീസ് സത്യവാങ്മൂലം സമർപ്പിച്ചതോടെ വിവാദം കത്തിക്കാനുള്ള ശ്രമത്തിലാണ് ബി.ജെ.പി. വംശഹത്യ കേസിൽ മോദിക്ക് സുപ്രീംകോടതി ക്ലീൻചിറ്റ് നൽകിയതിന്‍റെ പിറ്റേന്ന് ടീസ്റ്റ സെറ്റൽവാദിനെ മുഖ്യപ്രതിയാക്കി ഗുജറാത്ത് പൊലീസ് രജിസ്റ്റർ ചെയ്ത കേസിലാണ് സത്യവാങ്മൂലം. പ്രധാനമന്ത്രി നരേന്ദ്ര മോദിയെ ഗുജറാത്ത് വംശഹത്യ കേസിൽ കുരുക്കാൻ നോക്കിയത് അന്തരിച്ച കോൺഗ്രസ് നേതാവ് അഹ്മദ് പട്ടേലാണെന്നും അത് ചെയ്തത് കോൺഗ്രസ് അധ്യക്ഷ സോണിയ ഗാന്ധിക്ക് വേണ്ടിയാണെന്നുമുള്ള ആരോപണമാണ് ബി.ജെ.പി ഉന്നയിക്കുന്നത്. എന്നാൽ കലാപവേളയിൽ മോദിയെ 'രാജ്ധർമ' ഓർമിപ്പിച്ചത് അന്നത്തെ ബി.ജെ.പി പ്രധാനമന്ത്രി വാജ്പേയി ആണെന്നും കലാപത്തിലെ പങ്കാളിത്തം മറച്ചുവെച്ച് തെരഞ്ഞെടുപ്പ് മുന്നിൽ കണ്ടുള്ള നീക്കമാണ് ഇപ്പോൾ ബി.ജെ.പി നടത്തുന്നതെന്നും കോൺഗ്രസ് പ്രതികരിച്ചു. ടീസ്റ്റയെ കൂടാതെ വംശഹത്യയിൽ മോദിക്കെതിരെ മൊഴി നൽകിയ ഗുജറാത്തിലെ ഐ.പി.എസ് ഓഫിസർമാരായിരുന്ന ആർ.ബി. ശ്രീകുമാർ, സഞ്ജീവ് ഭട്ട് എന്നിവരെയും പ്രതി ചേർത്ത കേസിലാണ് വിവാദ സത്യവാങ്മൂലം.

ആർ.ബി. ശ്രീകുമാറുമൊത്ത് നിരവധി തവണ ടീസ്റ്റയെ കണ്ടുവെന്ന് പറയുന്ന ഒരു സാക്ഷിയുടെ മൊഴിയാണ് സത്യവാങ്മൂലത്തിലേറെയും. ശ്രീകുമാറുമൊത്ത് ഒരിക്കൽ ടീസ്റ്റയെ കാണാൻ പോയപ്പോൾ മൂന്ന് ദിവസത്തിനകം ബി.ജെ.പി സർക്കാറിന് രാജിവെക്കേണ്ടി വരുമെന്ന് ടീസ്റ്റ പറഞ്ഞത് ഈ സാക്ഷി കേട്ടുവത്രേ. 30 ലക്ഷം രൂപ രണ്ടു തവണകളായി ഇതേ സാക്ഷി മുഖേന പട്ടേൽ ടീസ്റ്റക്ക് നൽകിയെന്നും ഇത് ദുരിതാശ്വാസ പ്രവർത്തനത്തിനായിരുന്നില്ലെന്നും പൊലീസ് തുടർന്നു.

ന്യൂഡൽഹിയിലെ അഹ്മദ് പട്ടേലിന്‍റെ വസതിയിൽ നാല് മാസത്തിന് ശേഷം ടീസ്റ്റയും ശ്രീകുമാറും സഞ്ജീവ് ഭട്ടും ഒരുമിച്ചുകൂടിയെന്നും പട്ടേലിനെ ഇവർ കണ്ടുവെന്നും ആരോപണം തുടർന്നു.

സ്വ​യം കു​റ്റ​മു​ക്ത​നാ​ക്കാ​ൻ മോ​ദി പ​യ​റ്റു​ന്ന ത​ന്ത്രം -കോ​ൺ​ഗ്ര​സ്​

ഗു​ജ​റാ​ത്തി​ൽ വ​ർ​ഗീ​യ കൂ​ട്ട​ക്കു​രു​തി അ​ര​ങ്ങേ​റി​യ​പ്പോ​ൾ അ​ന്ന​ത്തെ​ മു​ഖ്യ​മ​ന്ത്രി​യാ​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി സ്വ​യം കു​റ്റ​മു​ക്ത​നാ​ക്കാ​ൻ പ​യ​റ്റു​ന്ന വ്യ​വ​സ്ഥാ​പി​ത ത​ന്ത്ര​ത്തി​ന്‍റെ ഭാ​ഗ​മാ​ണ്​ ആ​രോ​പ​ണ​മെ​ന്ന്​ കോ​ൺ​ഗ്ര​സ്​. പ​രേ​ത​നാ​യ അ​ഹ്​​മ​ദ്​ പ​ട്ടേ​ലി​നെ​തി​രെ കെ​ട്ടി​ച്ച​മ​ച്ച ദു​രാ​​രോ​പ​ണ​ങ്ങ​ളെ​ല്ലാം ത​ള്ളി​ക്ക​ള​ഞ്ഞ കോ​ൺ​ഗ്ര​സ്​ പ്ര​ധാ​ന​മ​ന്ത്രി​യു​ടെ രാ​ഷ്ട്രീ​യ കു​ടി​പ്പ​ക​യു​ടെ സം​വി​ധാ​നം മ​രി​ച്ചു​പോ​യ രാ​ഷ്ട്രീ​യ എ​തി​രാ​ളി​ക​ളെ​പ്പോ​ലും വെ​റു​തെ വി​ടു​ന്നി​​ല്ലെ​ന്ന്​ വാ​ർ​ത്ത​കു​റി​പ്പി​ൽ കു​റ്റ​പ്പെ​ടു​ത്തി.

അന്വേഷണം സോണിയയുടെ വാതിൽ പടിക്കൽ -ബി.ജെ.പി

ഗു​ജ​റാ​ത്തി​ന്‍റെ പ്ര​തിഛാ​യ ത​ക​ർ​ക്കാ​നു​ള്ള ഗൂ​ഢാ​ലോ​ച​ന​യെ കു​റി​ച്ചു​ള്ള അ​ന്വേ​ഷ​ണം എ​ത്തി നി​ൽ​ക്കു​ന്ന​ത്​ കോ​ൺ​ഗ്ര​സ്​ അ​ധ്യ​ക്ഷ സോ​ണി​യ​ഗാ​ന്ധി​യു​ടെ വാ​തി​ൽ​പ​ടി​ക്ക​ലാ​ണ്​ എ​ന്ന്​ ബി.​ജെ.​പി ആ​രോ​പി​ച്ചു. സോ​ണി​യ ഗാ​ന്ധി​യു​ടെ രാ​ഷ്ട്രീ​യ ഉ​പ​ദേ​ശ​ക​നാ​യി​രു​ന്ന അ​ഹ്മ​ദ്​ പ​ട്ടേ​ലി​ന്​ വേ​ണ്ടി​യാ​യി​രു​ന്നു ഇ​തെ​ന്നും ബി.​​ജെ.​പി വ​ക്താ​വ്​ സം​ബി​ത്​ പ​ത്ര വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.