ലോക്​സഭ തെരഞ്ഞെടുപ്പ്​: ഹിന്ദി ഹൃദയഭൂമിയിൽ ബി.ജെ.പിക്ക്​ 32 സീറ്റ്​ നഷ്​ടമാകും

ന്യൂഡൽഹി: രാജസ്ഥാൻ, മധ്യപ്രദേശ്​, ഛത്തീസഗഢ്​ തുടങ്ങിയ സംസ്ഥാനങ്ങളിൽ ബി.ജെ.പിക്ക്​ 32 മുതൽ 62 വരെ ലോക്​സഭ സീറ്റു കൾ നഷ്​ടമാകുമെന്ന്​ റിപ്പോർട്ട്​. നിയമസഭ തെരഞ്ഞെടുപ്പ്​ ഫലം വിലയിരുത്തിയാണ്​ ബി.ജെ.പിക്ക്​ 62 സീറ്റുകൾ വരെ നഷ ്​ടമാകുമെന്ന്​ വ്യക്​തമാക്കിയിരിക്കുന്നത്​.

ഇന്ത്യ ടുഡേയാണ്​ ഇതുസംബന്ധിച്ച്​ വാർത്ത പുറത്ത്​ വിട്ടത്​. 2014ൽ ലോക്​സഭ തെരഞ്ഞെടുപ്പിൽ രാജസ്ഥാൻ, മധ്യപ്രദേശ്​, ഛത്തീസ്​ഗഢ്​ തുടങ്ങിയ സംസ്ഥാനങ്ങൾ ഉൾപ്പെടുന്ന ഹിന്ദി ഹൃദയഭൂമിയിൽ ബി.ജെ.പി വൻ മുന്നേറ്റം കാഴ്​ചവെച്ചിരുന്നു. എന്നാൽ, 2019ലെ തെരഞ്ഞെടുപ്പിൽ പാർട്ടിക്ക്​ ഇത്​ ആവർത്തിക്കാൻ കഴിയില്ലെന്നാണ്​ വിലയിരുത്തൽ.

മധ്യപ്രദേശിൽ-11, രാജസ്ഥാൻ-13, ഛത്തീസ്​ഗഢ്​-9, എന്നിങ്ങനെയായിരിക്കും ബി.ജെ.പിക്ക്​ വിവിധ സംസ്ഥാനങ്ങളിലുണ്ടാവുന്ന സീറ്റ്​ നഷ്​ടം. ഇത്​ ഇനിയും വർധിക്കാമെന്നും റിപ്പോർട്ടിൽ പറയുന്നുണ്ട്​.