Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഗാന്ധിജിയെ...

ഗാന്ധിജിയെ പാകിസ്​താ​െൻറ രാഷ്ട്രപിതാവെന്ന്​ വിളിച്ചയാൾക്ക്​ കേന്ദ്ര സർക്കാർ സ്​ഥാപനത്തിൽ നിയമനം

text_fields
bookmark_border
ഗാന്ധിജിയെ പാകിസ്​താ​െൻറ രാഷ്ട്രപിതാവെന്ന്​ വിളിച്ചയാൾക്ക്​ കേന്ദ്ര സർക്കാർ സ്​ഥാപനത്തിൽ നിയമനം
cancel

ഡല്‍ഹി: ഗാന്ധിജിയെ പാകിസ്​താ​െൻറ രാഷ്ട്രപിതാവെന്ന് വിളിച്ച ബി.ജെ.പി മീഡിയ സെല്‍ മുന്‍ തലവന്‍ അനില്‍ സൗമിത്രക്ക് കേന്ദ്ര സർക്കാർ സ്​ഥാപനത്തിൽ നിയമനം. ഇന്ത്യന്‍ ഇന്‍സ്റ്റിട്യൂട്ട് ഓഫ് മാസ് കമ്യൂണിക്കേഷനില്‍ പ്രൊഫസറായാണ്​ സൗമിത്രയെ നിയമിച്ചത്​. കേന്ദ്രത്തിന് കീഴിലുള്ള രാജ്യത്തെ പ്രധാന മാസ് കമ്മ്യൂണിക്കേഷന്‍ ഇന്‍സ്റ്റിട്യൂട്ടാണ് ഐ.ഐ.എം.സി.2019 മേയ്​ 16നാണ്​​ സൗമിത്ര വിവാദ പരാമർശം നടത്തിയത്​. അന്ന്​ അദ്ദേഹം മധ്യപ്രദേശ്​ ബി.ജെ.പിയിലെ സംസ്​ഥാന വക്​താവായിരുന്നു.

"മഹാത്മാഗാന്ധി രാഷ്​ട്ര പിതാവാണ്​, പക്ഷേ പാകിസ്ഥാ​േൻറതാണെന്നുമാത്രം. ഇന്ത്യയിൽ അദ്ദേഹത്തെപ്പോലെ ധാരാളം പേരുണ്ട്​. ചിലർക്ക്​ മൂല്യമുണ്ട്​, ചിലർക്ക്​ മൂല്യമില്ല'-സൗമിത്ര അന്ന്​ ഫേസ്​ബുക്കിൽ കുറിച്ചു. തുടർന്ന്​ അദ്ദേഹത്തെ പ്രാഥമിക അംഗത്വത്തിൽ നിന്ന് ബിജെപി സസ്‌പെൻഡ് ചെയ്​തിരുന്നു. 60-ഓളം പേരില്‍ നിന്നാണ് സൗമിത്രയെ പ്രൊഫസറായി തെരഞ്ഞെടുത്തത്. സെപ്റ്റംബര്‍ ആദ്യവാരമായിരുന്നു അഭിമുഖം.

ഇന്ത്യൻ ഇൻസ്റ്റിട്യൂട്ട് ഓഫ് മാസ് കമ്മ്യൂണിക്കേഷൻ നടത്തുന്നത് സ്വയംഭരണാധികാരമുള്ള ഐ‌ഐ‌എം‌സി സൊസൈറ്റിയാണ്. ഇവർക്ക്​ വാർത്താവിതരണ പ്രക്ഷേപണ മന്ത്രാലയം മുഖേന ഇന്ത്യൻ സർക്കാർ ധനസഹായം നൽകുന്നുണ്ട്​. നിലവിൽ ഐ‌എ‌എസ് ഓഫീസർ അമിത് ഖാരെയാണ്​ ചെയർപേഴ്‌സൺ. ഉന്നത വിദ്യാഭ്യാസ സെക്രട്ടറിയായ ഇദ്ദേഹത്തിന് വാർത്താവിതരണ പ്രക്ഷേപണ മന്ത്രാലയത്തി​െൻറ അധിക ചുമതലയുണ്ട്. മാധ്യമപ്രവർത്തകനും എഴുത്തുകാരനുമായ സഞ്ജയ് ദ്വിവേദി ഐ.ഐ.എം.സി ഡയറക്ടർ ജനറലാണ്.

ഒക്‌ടോബര്‍ 20ന് ഐ.ഐ.എം.സി അദ്ദേഹത്തിന് ഓഫര്‍ ലെറ്റര്‍ കൈമാറിയതായും ഐ.ഐ.എം.സി അറിയിച്ചു. നിയമനത്തെ കുറിച്ച് സൗമിത്ര പ്രതികരിച്ചിട്ടില്ല. ഇക്കാര്യത്തില്‍ ഒന്നും പറയാനില്ലെന്നായിരുന്നു ഐ.ഐ.എം.സി ഡയരക്​ടറുടെ പ്രതികരണം. സംഭവത്തിൽ വ്യാപക പ്രതിഷേധം ഉയർന്നിട്ടുണ്ട്​.

Show Full Article
TAGS:BJP Mahatma Gandhi Father Of Pakistan Anil Soumitra 
Next Story