Begin typing your search above and press return to search.
proflie-avatar
Login
exit_to_app
exit_to_app
BJP Says No To Kangana’s Candidature For Mandi Bypoll
cancel
Homechevron_rightNewschevron_rightIndiachevron_right'സെലിബ്രിറ്റിക്കല്ല...

'സെലിബ്രിറ്റിക്കല്ല പ്രവർത്തകനാണ്​ സീറ്റ്'​; കങ്കണക്ക്​ മാണ്ഡിയിൽ സീറ്റ്​ നൽകില്ലെന്ന്​ ബി.ജെ.പി

text_fields
bookmark_border

ന്യൂഡൽഹി: ഹിമാചൽപ്രദേശിലെ മാണ്ഡി മണ്ഡലത്തിലേക്ക്​ നടക്കുന്ന ലോക്​സഭ ഉപതെരഞ്ഞെടുപ്പിൽ ബോളിവുഡ്​ നടി കങ്കണ റണാവത്തിന്​ സീറ്റ്​ നൽകില്ലെന്ന്​ ബി.ജെ.പി. മാണ്ഡിയിലേക്ക്​ നടിയെ പരിഗണിക്കുന്നെന്ന്​ നേരത്തേ വാർത്തകൾ പുറത്തുവന്നിരുന്നു. എന്നാൽ, നടിയുടെ സ്​ഥാനാർഥിത്വം പരിഗണിക്കുന്നില്ലെന്ന്​ ഹിമാചല്‍ പ്രദേശ് മുഖ്യമന്ത്രി ജയ് റാം താക്കൂറാണ്​ വ്യക്തമാക്കിയത്. സ്ഥാനാര്‍ത്ഥി നിര്‍ണയം സംബന്ധിച്ച് അന്തിമ തീരുമാനമെടുക്കാന്‍ ചേര്‍ന്ന ഉന്നതതല യോഗത്തിലാണ് മുഖ്യമന്ത്രി തീരുമാനം അറിയിച്ചത്​.


ധര്‍മ്മശാലയില്‍ നടന്ന സ്റ്റേറ്റ് ഇലക്ഷന്‍ കമ്മിറ്റി യോഗത്തില്‍ കങ്കണയുടെ പേര് ഒരിക്കലും ഉയര്‍ന്നുവന്നിട്ടില്ലെന്നും മാണ്ഡി പാര്‍ലമെൻറ്​ മണ്ഡലത്തിലേക്കുള്ള ടിക്കറ്റ് ഒരു പാര്‍ട്ടി പ്രവര്‍ത്തകനാണ് ലഭിക്കുകയെന്നും സെലിബ്രറ്റിക്കല്ലെന്നും അദ്ദേഹം പറഞ്ഞു. തെരഞ്ഞെടുപ്പുമായി ബന്ധപ്പെട്ട ആദ്യഘട്ട ചർച്ചകൾ പൂർത്തിയായപ്പോൾ കങ്കണയുടെ പേരും പാർട്ടി നേതൃത്വത്തിന്‍റെ സജീവമായ പരിഗണനയിലുണ്ടെന്നായിരുന്നു റിപ്പോർട്ട്​. കങ്കണ സ്ഥാനാർഥിയാവുന്നതിനോട്​ പാർട്ടിയിലെ ഒരു വിഭാഗത്തിന്​ എതിർപ്പുണ്ടെന്നും​ സൂചനയുണ്ടായിരുന്നു​.


മാണ്ഡി ജില്ലയിലെ ബാംഭല ഗ്രാമത്തിലാണ്​ കങ്കണ ജനിച്ചത്​. ഇത്​ കൂടാതെ മണാലിയിൽ അവർ പുതിയ വീട്​ വാങ്ങുകയും ചെയ്​തിട്ടുണ്ട്​. മണാലിയും മാണ്ഡി ലോക്​സഭ മണ്ഡലത്തിന്‍റെ ഭാഗമാണ്​. സ്ഥാനാർഥിയാകാനുള്ള താൽപര്യം കങ്കണ പരസ്യമായി പ്രകടിപ്പിച്ചിട്ടില്ല. താന്‍ ബി.ജെ.പി അനുഭാവിയാണെങ്കിലും തെരഞ്ഞെടുപ്പ് രാഷ്ട്രീയത്തിലേക്കില്ലെന്നാണ്​ കങ്കണ പറഞ്ഞിരുന്നത്​. സിനിമയില്‍ ശ്രദ്ധ കേന്ദ്രീകരിക്കാനാണ് താല്‍പര്യമെന്നും അവര്‍ പറയുന്നു. രാംസ്വരൂപ്​ ശർമ്മയുടെ മരണത്തെ തുടർന്നാണ്​ മാണ്ഡിയിൽ ഉ​പതെരഞ്ഞെടുപ്പ്​ വന്നത്​. ഇതുകൂടാതെ മൂന്ന്​ നിയമസഭ മണ്ഡലങ്ങളിലേക്കുള്ള ഉപതെരഞ്ഞെടുപ്പും ഇതി​െനാപ്പം നടക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:KanganaMandiBJPBypollCandidature
News Summary - BJP Says No To Kangana’s Candidature For Mandi Bypoll
Next Story