യു.പി തെരഞ്ഞെടുപ്പ്​; അയോധ്യ സന്ദർശിക്കാൻ ബി.ജെ.പി നേതാക്കളുടെ നിര

ന്യൂഡൽഹി: ഉത്തർ പ്രദേശ്​ നിയമസഭ ഉപതെരഞ്ഞെടുപ്പിന്​ മുന്നോടിയായി ഹിന്ദുത്വ വികാരം ആളിക്കത്തിക്കാൻ ലഭിക്കുന്ന ഒരു അവസരവും പാഴാക്കാ​െത ബി.ജെ.പി. ബാബരി മസ്​ജിദ്​ തകർത്ത കേസിൽ അനുകൂല വിധി ലഭിച്ച ശേഷം ആദ്യമായാണ്​ ബി.ജെ.പി ദേശീയ ​അധ്യക്ഷൻ അടക്കമുള്ളവർ അയോധ്യയിൽ എത്തുന്നത്​. വിവിധ സംസ്​ഥാനങ്ങളിലെ ബി.ജെ.പി മുഖ്യമന്ത്രിമാർക്കൊപ്പമാകും അധ്യക്ഷൻ ജെ.പി നദ്ദയുടെ അയോധ്യ സന്ദർശനം.

ബാബരി മസ്​ജിദ്​ തകർത്ത കേസിൽ 2019ലെ സുപ്രിംകോടതിയുടെ സുപ്രധാന വിധിക്ക് ശേഷം ആദ്യമായാണ്​ ബി.ജെ.പി ദേശീയ അധ്യക്ഷൻ അയോധ്യ സന്ദർശിക്കാൻ എത്തുന്നത്​. വാരാണസിയിലെ കാശിയും തെരഞ്ഞെടുപ്പിന്​ ഉപയോഗപ്പെടുത്താനുള്ള തീരുമാനത്തിന്‍റെ ഭാഗമായി രണ്ട്​ ദിവസത്തെ പരിപാടികൾക്ക്​ കഴിഞ്ഞ ദിവസം പ്രധാനമന്ത്രി നരേന്ദ്ര മോദി തന്നെ നേതൃത്വം കൊടുത്തിരുന്നു.