ബി.​ജെ.പി പാർലമെൻററി പാർട്ടിയോഗം ഇന്ന്​

ന്യൂഡൽഹി: ബി.​ജെ.പി പാർലമ​െൻററി പാർട്ടി യോഗം ഇന്നു വൈകീട്ട്​ ഡൽഹിയിൽ ചേരും. ഉത്തർപ്രദേശിൽ ചരിത്ര ജയം നേടിയ ബി.ജെ.പി സർക്കാറി​െന ആര്​ നയിക്കു​മെന്നതിന്​ യോഗത്തിൽ  തീരുമാനമുണ്ടാകും. ബി.ജെ.പിയുടെ സംസ്​ഥാനത്തെ ഒ.ബി.സി മുഖമായ കേശവ്​ പ്രസാദ്​ മൗര്യയു​െട പേരിനാണ്​ മുൻഗണന. ഒ.ബി.സിക്ക്​ മുൻഗണന നൽകുന്നതിനായി തെരഞ്ഞെടുപ്പിന്​ മുൻപായി കേശവ്​ പ്രസാദ്​ മൗര്യയെ പാർട്ടിയു​െട സംസ്​ഥാന അധ്യക്ഷനാക്കിയിരുന്നു.

മുന്നാക്ക ജാതിക്കാരായ മനോജ്​ സിൻഹയുടെയും മഹേഷ്​ശർമയുടെയും പേരുകളും പരിഗണനയിലുണ്ട്​. മഥുരയിൽ നിന്ന്​ ജയിച്ച യുവ മുഖയായ ശ്രീകാന്ത്​ ശർമയും പരിഗണനയിലുണ്ട്​. ഉത്തരാഖണ്ഡിലെ മുഖ്യമന്ത്രിയെയും യോഗത്തിൽ തീരുമാനിക്കും. കൂടാതെ മണിപ്പൂർ,ഗോവ എന്നിവിടങ്ങളിൽ അധികാരം പിടിക്കാൻ പ്രദേശിക പാർട്ടികളുടെ പിന്തുണ നേടുന്നതിനായുള്ള ശ്രമങ്ങളുംചർച്ചയിൽ ഉയരും.

ഇന്ന്​ വൈകീട്ട്​ആറിന്​ ഡൽഹിയിലെ ബി.ജെ.പി ആസ്​ഥാനത്ത്​ പ്രധാനമന്ത്രി നരേന്ദ്രമോദിക്ക്​ സ്വീകരണം നൽകുന്നുണ്ട്​.