ബി.ജെ.പി നേതാവ്​ ഭിന്നശേഷിക്കാര​​െൻറ വായിൽ വടി കുത്തിത്തിരുകി

ലക്​നോ: യു.പിയിലെ സാംബാളിൽ സമാ​ജ്​​വാദി പാർട്ടിക്ക്​ വോട്ടു ചെയ്യുമെന്ന്​ പറഞ്ഞതിന്​ ബി.ജെ.പി നേതാവ്​ ഭിന് നശേഷിക്കാരനെ മർദിച്ചു. മർദനത്തി​​​െൻറ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്​. ഭിന്ന ശേഷിക്കാര​​​െൻറ വായിൽ ഒരു വടി കുത്തിത്തിരുകുന്നതും ദൃശ്യങ്ങളിലുണ്ട്​​. ക്രമസമാധാനലംഘനമുണ്ടാക്കി എന്നാരോപിച്ച്​ മർദനമേറ്റയാെള പൊലീസ്​ അറസ്​റ്റ്​ ചെയ്​തു.

ബി.ജെ.പി നേതാക്കളായ മുഹമ്മദ്​ മിയാൻ, രാജേഷ്​ സിംഗാൾ എന്നിവർ പ്രവർത്തകരോടൊപ്പം സബ്​ ഡിവിഷണൽ മജിസ്​ട്രേറ്റ്​ ദിപേന്ദർ യാദവിനെ സന്ദർശിക്കുന്നതിനായി കലക്​ടറേറ്റിൽ എത്തിയപ്പോഴാണ്​ സംഭവം.

ബി.ജെ.പി പ്രവർത്തകരെ കണ്ടപ്പോൾ 22കാരനായ മനോജ്​ ഗുജ്ജാർ, പ്രധാനമന്ത്രി നരേന്ദ്ര മോദിക്കും മുഖ്യമന്ത്രി യോഗി ആദിത്യനാഥിനും എതിരെ മുദ്രാവാക്യം വിളിച്ചു. കൂടാതെ മുൻ മുഖ്യമന്ത്രി അഖിലേഷ്​ യാദവിനെ പ്രകീർത്തിക്കുകയും ചെയ്​തു. ഞാൻ അഖിലേഷിന്​ മാ​ത്രമേ വോട്ട്​ ചെയ്യുവെന്നായിരുന്നു മനോജ്​ മു​ദ്രാവാക്യം വിളിച്ചത്​.

ഇത്​ കേട്ടതോടെ മിയാൻ കോപാകുലനായി വാഹനത്തിൽ നിന്ന്​ ഒരു വടി വലിച്ചെടുത്ത്​ മനോജിനെ മർദിക്കാൻ തുടങ്ങി. പോരാത്തതിന്​​ വടി ഇയാ​ളുടെ വായിൽ കുത്തിത്തിരുകുകയും ചെയ്​തു. സംഭവത്തെ കുറിച്ച്​ അറിഞ്ഞ സബ്​ ഡിവിഷണൽ മജിസ്​ട്രേറ്റ്​ സമാധാന അന്തരീക്ഷം തകർത്തതിന്​ മ​േനാജ്​ ഗുജ്ജാറിനെ അറസ്​ററ്​ ചെയ്യാൻ ഉത്തരവിട്ടു.

മായിൻ ക്രിമിനൽ പശ്ചാത്തലമുള്ളവനാണെന്ന്​ സാംബാൾ എസ്​.പി യമുന പ്രസാദ്​ പറഞ്ഞു. സംഭവം നടന്നത്​ കലക്​ടറേറ്റ്​ വളപ്പിനുള്ളിൽ വെച്ചാണെന്നും അതിനാൽ മനോജ്​ ഗുജ്ജാറിനെ ജയിലിലടച്ചിരിക്കുകയാണെന്നും എസ്​.പി അറിയിച്ചു.